Joriy yilning 29-oktabr sanasida Buxoro davlat universitetining katta faollar yig`ingohida talaba-yoshlarni san’atga muhabbat ruhida tarbiyalash va ma’naviy kamolotga yо‘naltirish, iqtidorli yoshlarga о‘z imkoniyatlarini yuzaga chiqarish uchun sharoit yaratish maqsadida Talabalar teatr studiyalari Respublika festivalining ikkinchi hududiy saralash bosqichi о‘tkazildi.Festivalda Buxoro davlat universitetining “Buxoriy” jamoasi H.H.Niyoziyning “Tuhmatchilar jazosi” komediyasiga ishlangan sahna ko`rinishi bilan, TIQXMMI Buxoro filialining “Nihol” jamoasi “Gunohga etuvchi gumonlar” mavzusidagi sahna kо‘rinishi bilan, Buxoro davlat tibbiyot institutining “Turon” jamoasi Behbudiyning “Padarkush” dramasi asosidagi chiqishi bilan, Buxoro Muhandislik-texnologiya instituti “Muhandislik” jamoasi Said Ahmadning “Kelinlar qо‘zg‘oloni” komediyasi asosida ishlangan sahna ko`rinishi bilan qatnashishdi.Bellashuvni BuxDU rektori Obidjon Xamidov ochib berdi va jamoalarga omad tiladi.Jamoalar tomonidan namoyish etilgan asarlarda milliy an’analarimiz hamda umumbashariy qadriyatlarimiz tarannum etildi. Jamoalarning badiiy chiqishlari va sahnaviy kо‘rinishlarini о‘ziga xosligi, milliyligi, mazmundorligi, mamlakatimizda amalga oshirilayotgan islohotlar mohiyatining oddiy va xalqchil tarzda ochib berilishiga alohida e’tibor qaratildi va tanlov Nizomiga muvofiq bir necha nominatsiyalar bо‘yicha taqdirlanishdi. “Eng yaxshi spektakl” nominatsiyasiga Buxoro davlat universitetining “Buxoriy” talabalar teatr studiya jamoasi H.H.Niyoziyning “Tuhmatchilar jazosi” komediyasi sahna kо‘rinishi uchun, “Dolzarb mavzuning sahnaviy talqini uchun” TIQXMMI Buxoro filialining “Nihol” jamoasi “Gunohga etuvchi gumonlar” mavzusida sahna kо‘rinishi uchun sazovor deb topildi. “Eng yaxshi erkak roli uchun” Buxoro davlat universitetining “Buxoriy” talabalar teatr studiya jamoasi H.H.Niyoziyning “Tuhmatchilar jazosi” komediyasi sahna kо‘rinishidagi Akbarali roli uchun Jismoniy madaniyat fakulteti 3-bosqich talabasi Mulloqulov Ravshan Habib о‘g‘li taqdirlangan bo`lsa, “Eng yaxshi ayol roli uchun” TIQXMMI Buxoro filialining “Nihol” jamoasi “Gunohga etuvchi gumonlar” mavzusida sahna kо‘rinishidagi Muhammadning ayoli roli uchun Rasulova Mohiniso loyiq deb topildi. “Eng yaxshi teatr studiyasi rahbari” sifatida TIQXMMI Buxoro filialining “Nihol” jamoasi rahbari Gadoyev Asliddin taqdirlandi. “Milliy an’ana va qadriyatlarni tarannum etgani uchun” nominatsiyasi bilan Buxoro Muhandislik-texnologiya instituti “Muhandislik” jamoasi Said Ahmadning “Kelinlar qо‘zg‘oloni” komediyasi sahna kо‘rinishi uchun diplomlar bilan taqdirlanishdi.BuxDU Matbuot xizmati
