Mamlakatimizning ko‘pgina davlatlar singari Indoneziya davlati bilan ham qator sohalarda faol hamkorligi yo‘lga qo‘yilgan. O`zaro munosabatlarni yanada yaxshilash, birgalikdagi hamkorlik aloqalarini yuqori darajaga ko‘tarish maqsadida indoneziyaning O`zbekistondagi elchisi Sunaryo Kartadinata hamda u boshchiligidagi delegatsiya Buxoro davlat universitetiga tashrif buyurdi.Tashrif avvalida BuxDU rektori Obidjon Xamidov qabulida tor doirada ya’ni delegatlar, universitet rektori, universitet rahbariyati ishtirokida samimiy qisqa uchrashuv tashkil etildi. Mehmonlar Buxoro davlat universitetining faoliyati, talaba va professor-o‘qituvchilarga yaratilgan shart-sharoitlar, shuningdek, o‘quv dargohining boy tajribasi bilan tanishish barobarida BuxDUdagi Indoneziya markazi faoliyati bilan tanishishdi.Buxoro davlat universiteti katta yig‘ilishlar zalida delegatsiya a’zolari hamda professor-o‘qituvchilar va talabalar ishtirokida tashkillashtirilgan uchrashuvda Indoneziyaning O`zbekistondagi muxtor elchisi Sunaryo Kartadinata so`zga chiqib, O`zbekiston Respublikasi prezidenti Shavkat Mirziyoyevning saylovdagi g`alabasi bilan barchani samimiy qutladi. Indoneziya va O`zbekiston milliy raqslari ijrosi yig`ilganlarga ko`tarinki kayfiyat baxsh etdi. Indoneziyaning O`zbekistondagi elchisi Sunariyo Kartadinata BuxDU talabalariga “Indoneziya va O‘zbekiston o‘rtasidagi madaniy aloqalar” mavzusida ma'ruza o'qish barobarida elchixona xodimlari tomonidan talabalar uchun qisqa savol-javob o‘yini o`tkazildi.Tashrif yakunida Sunaryo Kartadinata tomonidan universitet kutubxona fondi uchun kitoblar hamda esdalik sovg‘alari topshirildi. Shuning barobarida tashrif buyuruvchilarga universitet rahbariyati tomonidan esdalik sovg‘alari topshirildi.BuxDU Matbuot xizmati
