Bugun Buxoro davlat universiteti Filologiya fakultetida O`zbek tilining zabardast olimi, filologiya fanlari doktori, professor, el-yurt hurmati ordeni sohibi, maorif a’lochisi Hamid Ne’matov tavalludiga 80 yil to`lishi munosabati bilan “Filologik tadqiqotlar: Muammo va yechim” mavzusida seminar bo`lib o`tdi.Seminar ma’ruzalarini ToshDO`TAU professori, filologiya fanlari doktori Baxtiyor Mengliyev o`zining “O`zbek tilshunosligining islohotchisi” mavzusidagi ma’ruzasi bilan boshlab berdi.Shundan so`ng, Ozarbayjon Milliy Fanlar akademiyasi, Nasimiy nomidagi Tilshunoslik instituti yetakchi ilmiy xodimi, filologiya fanlari nomzodi, dotsent Guliyeva Kubro, Tatariston Respublikasi fanlar Akademiyasi qoshidagi Amaliy Semiotika instituti yetakchi ilmiy xodimi, texnika fanlari nomzodi Ayrat Gatuatullin, AQSHdagi Reformed universitetining o`qishga qabul qilish departamenti direktori, professor Zamira Akobirova, BuxDU Tilshunoslik kafedrasi mudiri filologiya fanlari nomzodi dotsenti Atoullo Axmedov. Samarqand davlat universiteti professori Shaxriyor Safarov, BuxDU Filologiya fakulteti dekani Filologiya fanlari doktori, dotsent Dilshod Rajabovlarning mavzu doirasida hamda o`zbek tilshunosligi ustunlaridan biri bo`lgan ustoz olim Hamid Ne’matovga bag`ishlangan ma’ruzalari tinglandi.Seminar davomida kitoblar ko`rgazmasi bo`lib o`tdi. Shogirdlar tomonidan tayyorlangan ardoqli ustoz xotirasiga bag`ishlangan “”Buxoroning asl farzandi shogirdlar xotirasida mangu yashaydi” nomli video-rolik taqdimoti barobarida “Lison ilmining yalovbardori” deb nomlangan rolik yig`ilganlarda chuqur taassurot qoldirdi.BuxDU Matbuot xizmati
