2015 yil 24 dekabrida Buxoro davlat universiteti Ijtimiy-iqtisodiy fakulteti Tarix kafedrasi pedagog xodimlari tomonidan talabalar turar joyi “Ma’naviyat va marifat xonasi”da “Buxoroda tarixiy tadqiqotlarni jonlantirish : muammo va istiqbollar” mavzusida davra suhbati o’tkazildi. Davra suhbatini tashkil etishdan maqsad Buxoro tarixini o’rganishda talaba yoshlar, magistr, tadqiqotchi-izlanuvchi pedagog-xodimlarning faolligi va ishtirokini oshirish, Buxoro tarix maktabi faoliyatini qayta jonlantirish, talaba yoshlarning bo’sh vaqtini unumli va ilmiy tadqiqot ishlariga sarflashini ta’minlashga yo’naltirishdan iborat.Davra suhbatida “Buxoroda tarix maktabini shakllantirish muammolari” mavzusida tarix fanlari doktori, professor H.H.Turayev, “Rus siyosiy agentligi yozishmalari Rossiya-Buxoro tarixini o’rganish manbasi” mavzusida Tarix kafedrasi katta ilmiy xodim-izlanuvchisi O.A.Klichev, “Buxoro tarixini tadqiq etgan o’lkashunos olimlar va ularning ilmiy merosi (XX - XXI asr)” mavzusida Milliy istiqlol g’oyasi va ma’naviyat asoslari kafedrasi pedagogi A.H.Boltayevlar o’z ilmiy tadqiqot ishlari xususida talabalarga atroflicha ma’lumot berdilar.Shuni ham alohida ta’kidlash joizki, Tarix kafedrasi 2-bosqich magistranti A.R.Sobirov magistrlik va 4-bosqich talabasi B.Sayfullayevlar bitiruv malakaviy ishlarining olib borilishi xususida o’z fikrlarini bildirdilar.Shu bilan birga, davra suhbatida talaba yoshlar tomonidan ilmiy tadqiqot yo’nalishida ishlar olib borish, ilmiy tadqiqot mavzusini tanlash masalalari yuzasidan berilgan savollariga kafedra pedagog-xodimlari javob berishdi. Davra suhbati yakunida Buxoroda tarixiy tadqiqotlarni olib borish masalasida talaba yoshlarga tegishli tavsiya va maslahatlar berildi.
