Universitetga AQShning nufuzli universiteti professori Teacher Education kafedrasi mudiri Rodney Basiyr va Toshkentdagi Vebster universiteti kordinatori Roxatoy Boltayeva tashrif buyurdi. Universitetga tashrif doirasida BuxDU xalqaro hamkorlik bo‘yicha prorektori Abror Turobovich Jo‘rayev bilan uchrashuv bo‘lib o‘tdi hamda suhbat davomida universitetlar o‘rtasidagi kelgusi hamkorlik masalalari muhokama etildi. A.T. Jo‘rayev boshchiligidagi universitet jamoasi mehmonlarni universitetda tashkil etilgan, yangi ta'mirdan chiqqan kutubxona va elektronlashtirish tizimi bilan tanishtishdi. Universitetlar o‘rtasidagi aloqalarni yangi bosqichga olib chiqishga kelishib olindi.Universitet Rektori O.X.Xamidov Vebster universiteti delegatsiyasini qabul qildi hamda universitetda jadal olib borilayotgan elektronlashtirish to’grisida fikr almashdi. Shu o’rinda Professor Rodney ham raqamli ta’lim (Digital Education) sohasi mutaxassisi ekanligini ta’kidlab, Uniwork platformasining imkoniyatlarini yuqori baholadi. Vebster universiteti professori Rodney Basiyr: to’g’risi O’zbekistondagi tashrifimdan juda xursandman, talaba yoshlarning bilim salohiyatini ko’rib hayratda qoldim. Sizlarda talabalar osonlik bilan bir nechta tillarda so’zlasha oladi. Bu juda kata yutuq. Mashg’luot davomida talabalarning yaratuvchanlik qobiliyati va guruh bo’lib birgalikda ishlashini chetdan kuzatib turib ulardagi qiziquvchanlikni sezdim. Har bir guruh juda chiroyli prezentatsiya qilishdi, ayniqsa, yasalgan maketlar haqiqatda ajoyib, men yana bir bor Buxorolik yoshlarning bilimiga qoyil qoldim.Fakultet dekani shuningdek, kafedra mudiri hamda talabalar professor Rodney Basiyrga tashrif uchun o’z minnatddorchiliklarini bildirishdi.BuxDU Xalqaro hamkorlik bo'limi