25-avgust kuni xalqaro hamkorlik bo‘yicha prorektor A.T.Jo‘rayev universitetimizning yangi xorijiy hamkorlaridan bo‘lgan Vengriyaning Etvosh Loran universiteti vakillari bilan uchrashuv o‘tkazdi. Ushbu hamkorlik joriy yilning may oyida o‘tkazilgan O‘zbekiston-Vengriya rektorlari forumi davomida boshlangan edi. Uchrashuvda Etvosh Loran universiteti xalqaro strategiya boshqarmasi boshlig‘i Ferens Tako hamda Turkiy tillar kafedrasi professori Benedek Peri ishtirok etishdi. O‘zaro hamkorlikka doir bir qator masalalar muhokama qilindi hamda kelgusi ishlar belgilab olindi. Shu jumladan:Ma'lumot uchun: Etvosh Loran universiteti (vengerchada: Eotvös Loránd Tudományegyetem, ELTE) - Budapeshtda joylashgan davlat tadqiqot universitetidir. 1635 yilda tashkil etilgan ELTE Vengriyadagi eng yirik va obro'li davlat oliy ta'lim muassasalaridan biri hisoblanadi. ELTEning 28 ming nafar talabasi to'qqiz fakultetda ta’lim olishadi. Kampuslar Budapeshtda, Dunay daryosining qirg'og'ida joylashgan. ELTE 5 nafar Nobel mukofoti sovrindorlari, shuningdek, Volf mukofoti, Falkerson mukofoti va Abel mukofoti sovrindorlarining nomlari bilan bog‘liq. Ularning eng so'nggisi 2021-yilda Abel mukofoti sovrindori bo‘lgan Laslo Lovasdir. ELTE QS-2022 reytingida 651-700 guruhidan, Times-2021 reytingida esa 601-800 guruhida o‘rin egallagan.BuxDU Xalqaro hamkorlik bo'limi
