Bugun 6-sentyabr kuni Buxoro davlat universitetida “Bilimlar kuni”ga bag‘ishlab “Yangi O`zbekistonda erkin va farovon yashaylik!” ezgu g`oyasi ostidagi ma`naviy-ma`rifiy tadbir bo‘lib o‘tdi. Universitet rektori, professor O.X. Xafizov tadbirni ochar ekan, o’z tabrik nutqida bu yil talabalik baxtiga sazovor bo’lgan, shuningdek, maroqli yozgi ta’tildan bilim dargohiga qaytgan yigit va qizlarni, ularning ota-onalarini yangi o’quv yilini boshlaganliklari bilan samimiy qutladi. Rektor mamlakatimizda oliy ta’lim olish uchun yaratilayotgan ulkan imkoniyatlar, universitet moddiy-texnika bazasini mustahkamlash borasida ko’rsatilayotgan g’amxo’rliklar haqida to’xtalib, talabalarimiz bunga yarasha a’lo o’qish va a’lo xulq bilan javob berishlariga ishonch bildirdi.Shundan so`ng 2021/2022-oʻquv yilida talabalikka tavsiya etilganlar (1-bosqich talabalari) uchun tanishtiruv haftaligi (xususan, mustaqillik darslari) boshlangani munosabati bilan Tanishuv darslari boshlandi. BuxDU rektori iqtisodiyot fanlari doktori, professor O. X.Xamidov talabalik baxtiga musharraf bo'lgan yoshlarni qutlab, bir guruh yuqori ball bilan o'qishga kirgan talabalarni tashakkurnoma hamda estalik uchun sovg'alar bilan tabrikladi.Tadbirning tantanali qismi yakunlangach, talabalar o’zlari uchun belgilangan o`quv xonalariga yo’l olishdi. Bu yil ham birinchi dars “Mustaqillik darsi” mavzusida o’tildi.Shundan so`ng talabalikka qabul qilingan 1-bosqich talabalarini tabriklash uchun BuxDU rektori O.X.Xamidov boshchiligidagi bir guruh ustozlar BuxDUning “Xorijiy tillar” fakultetida bo`lishdi. Ushbu fakultetda “Mustaqillik darsi” da ishtirok etib, shonli o`tmishimiz hamda tobora rivoj topayotgan bugunimiz xususida talbalar fikri tinglandi.Shundan so`ng rahbariyat xodimlari “Fizika-matematika” fakultetiga yo`l olishdi. Fizika-matematika” fakulteti ham ushbu kunga o`zgacha tayyorgarlik ko`rgan bo`lib, yangi qabul qilingan talabalarda o`zgacha taassurot qoldirdi. Qizg`in suhbat asnosida talabalar sinf xonalariga kuzatilgach, navbatdagi qutlov uchun “Filologiya” fakultetiga yo`l olindi. Faollar zalida tashkil etilgan tadbirda birinchi bosqichga qabul qilingan talabalar yangi o`quv yili bilan samimiy qutlandi. Mehmon ustozlar o`zlarining qimmatli maslahatlarini berishdi. Talabalarning mustaqillik xususidagi dil so`zlari, bugungi kunda bo`layotgan o`zgarishlarga munosabati tinglandi. Xuddi shunday ma’naviy-ma’rifiy tadbir BuxDUning Pedagogika institutida ham o`tkazildi. Yangi institutning ilk qaldirg`ochlari samimiy kutib olindi. Har bir yo`nalish o`z sinfxonalariga kuzatib qo`yildi.“Agronomiya va biotexnologiya” fakultetida kechgan suhbat avvalida BuxDU rektori iqtisodiyot fanlari doktori, professor O. X.Xamidov talabalik baxtiga musharraf bo'lgan yoshlarni qutlab, yuqori ball bilan o'qishga kirgan talabalarga tashakkurnoma hamda estalik sovg'alari ulashdilar. Ushbu yo`nalishda tahsil olayotgan talabalar el koriga yaraydigan kashfiyotlar, innovatsiyalar yaratishlariga ishonch bildirildi.BuxDU Jismoniy madaniyat fakultetida 2021/2022-oʻquv yiliga talabalikka tavsiya etilganlar uchun tanishtiruv haftaligi boshlandi. Tanishuv darslarida fakultet dekani Baxodir Ma'murov, kurash bo‘yicha xalqaro toifadagi hakam Hamro Mardonov, dekan muovinlari hamda kafedra mudirlari ishtirok etib, talabalik baxtiga musharraf bo'lgan yoshlarni qutlab, bir guruh yuqori ball bilan o'qishga kirgan talabalarni tashakkurnoma hamda esdalik sovg'alari bilan tabriklashdi.Butun universitetni qamrab olgan shukuh birinchi dars sifatida yuqori saviyada o`tkazilayotgan “Mustaqillik darsi” asnosida davom etarkan, ushbu kun talabalar hayotida unutilmas onlarni hadya etdi.BuxDU Matbuot xizmati
