Bugun 20 –avgust sanasida Buxoro davlat universitetida mavjud bo‘sh ish o‘rinlariga pedagog-xodimlarni ishga qabul qilish uchun ariza bilan murojaat qilgan kadrlarni saralash tanlovlari boshlandi. Ariza bilan murojaat qilgan 125 nafar pedagoglar AKT va chet tilidan imtihon hamda suhbat asosida ishga qabul qilinadilar. Ayni paytda AKT imtihonida bugungi zamonaviy dasturlar, platformalarda ishlay olish salohiyati sinovdan o`tkazildi. Ishtirokchilar bajargan amaliyotlar kamera vositasida hamda kompyuter xotirasiga muhrlandi. Chet tilini bilish darajasi test orqali sinovdan o`tkaziladi. Suhbat jarayonida pedagog kadrning ilmiy salohiyati, bugungi islohotlardan xabardorlik darajasi, pedagog sifatidagi qobiliyatiga baho beriladi.BuxDU Matbuot xizmati
