Hayotimizning barcha jabhasida, jannatmakon Vatanimizning yuzi, himoyachisi sifatida hamisha qadrli bo`lgan – Yoshlar! Bugungi Yoshlar kuni munosabati bilan samimiy dil so`zlarimni sizga yo`llamoqdaman.Tabrigimiz avvalida yurtimizda, ayniqsa, universitetimizda so`nggi paytlarda yoshlar bilan ishlash bo`yicha mutlaqo o`zgacha tizim yaratilgani, o`g`il-qizlarimizning jamiyat hayotida faolligi, O`zbekistonda uchinchi Renessans – Uyg`onish davrida yoshlarimizning munosib ishtirok etayotganini mamnuniyat bilan e’tirof etamiz.Baxtli kelajagimizning egasi, sababchisi bo`layotgan yoshlarimizning qonuniy huquq va manfaatlarini ta’minlash, ularning orzu-maqsadlarini, qobiliyatlarini yuzaga chiqarib, rag`batlantirish biz olib borayotgan islohotlarning eng ustuvor yo`nalishidir. Bu yo`lda ulkan ishlarni amalga oshirayotganligimiz, berilgan imkoniyatlar zamirida sizlarni qo`llab-quvvatlayotganlarimiz barchangizga ma’lum. Bugungi kunda Harakatlar strategiyasi doirasida “Yoshlar – kelajak bunyodkori”, “Obod qishloq”, “Obod mahalla”, “Аqlli shahar” kabi keng qamrovli dasturlarni amalga oshirishda sizdek tashabbuskor, har bir masalaga yangicha yondashadigan oʼgʼil-qizlarimiz faol ishtirok etayotgani, hech shubhasiz, barchamizni xursand qiladi. Ishonamanki, bunday ulkan bunyodkorlik jarayonlari yoshlarimiz ilgari surayotgan loyiha va tashabbuslarni yuzaga chiqarishda, ularning el-yurtimizga fidoyi rahbar va mutaxassis, haqiqiy shaxs va el koriga yaraydigan yuksak maqsadli inson boʼlib shakllanishida beqiyos oʼrin tutadi.Qadrli Yoshlar!Yoshlik – zangor fasl. Shijoat, g`ayrat, bilim va maqsad pallasi, dunyoni o`zgartirishga intilish davridir. Shu ma’noda, O`zbekistonning buguni, ertasi, ko`rar ko`zi, aytar so`zi – Sizsiz. Qalbingizdagi eng buyuk maqsadlar, ko`klarga bo`y cho`zsa yetgulik ruh sizni tark etmasin. Qoningizda oqayotgan shijoatkorlik tuyg`usi yuksak marralarni zabt etishingizda ko`makdosh bo`lsin.Buxoro davlat universiteti rektori, iqtisodiyot fanlari doktori, professorObidjon Xamidov