2021 yilning 19-mart kuni Buxoro davlat universitetida universitet rektori Obidjon Xamidov, O'zbekiston Yoshlar Ittifoqi Buxoro viloyati raisi Sherzod Tilavov, universitet Yoshlar Ittifoqi yetakchisi Feruz Karimov, Yoshlar Ishlari Agentligi Buxoro viloyati boshqarma boshlig'i, Mikrokredit bank ATB Buxoro viloyati mintaqaviy filiali bo'limi boshlig'i H.Jo'rayev, Monopoliyaga qarshi kurashish qo'mitasi Buxoro viloyati hududiy boshqarmasi bo'limi boshlig'i, "Aloqa bank" Buxoro viloyati bo'limi boshlig'i, "Ipoteka bank" Buxoro viloyati bo'limi boshlig'i ishtirokida yoshlar bilan "Rahbar va yoshlar" uchrashuvi o'tkazildi.Ushbu uchrashuvni universitet rektori Obidjon Xamidov kirish so'zi bilan ochib berdi. Universitet rektori Obidjon Xamidov talaba-yoshlardan hozirgi vaqtda ta`lim sohasida amalga oshirilayotgan islohotlar, ta`lim jarayonlarini rivojlantirishda talabalarning o'rni, bunda ularning fikri, universitetda elon qilinayotgan tanlovlarda talabalarning ishtiroki bo'yicha gapirib o'tdilar.Jismoniy madaniyat fakulteti 1-bosqich talabasi Do'stmurodov G'iyosjon oilada agar ikki va undan ortiq kishi kontrakt asosida oliy ta`lim muassasasida ta`lim olsa ularga ta`lim krediti bo'yicha qanday imtiyozlar mavjudligi to'g'risida murojaat qildi. Ushbu savolga Mikrokreditbank ATB Buxoro viloyati mintaqaviy filiali bo'limi boshlig'i H.Jo'rayev javob berdi. Bunga ko'ra agar oilada ikki va undan ortiq kishi kontrakt asosida ta`lim olsa unga bir yil muddatda kredit foizining yarmi ya`ni 7% qilib berilishini ta`kidlab o`tdi. Tarix va madaniy meros fakulteti 3 bosqich talabasi Rasulov Siroj Buxoro davlat universiteti magistratura bo'yicha qaysi nufuzli universitetlar bilan hamkorlik qilishini so'rab o'tdi. Bu savolga BuxDU Xalqaro hamkorlik bo'yicha prorektor A.T.Jo'rayev batafsil javob berdilar.Uchrashuvda shuningdek talabalar o‘zlarini qiynab kelayotgan savollar va bir qator takliflar bilan murojaat qilishdi. Ochiq muloqot tarzida kechgan uchrashuvda universitet rektori va talabalarning takliflari tinglanib bildirilgan takliflarni amalga oshirish bo‘yicha barcha mutasaddi xodimlarga tegishli ko‘rsatmalar berilib ijrosi nazoratga olindi.BuxDU Matbuot xizmati
