Buxoro davlat universiteti va Rossiyaning Qozon federal universiteti o‘rtasidagi imzolangan shartnomaga asosan 2019-2020 o‘quv yilidan boshlab BuxDU xorijiy oliy ta'lim muasassalari bilan hamkorlikdagi qo‘shma ta'lim dasturlarini muvofiqlashtiruvchi bo‘limi “523010 – Iqtisodiyot (tarmoqlar va sohalar bo‘yicha)” ta'lim yo‘nalishi talabalari universitetlar professor-o‘qituvchilari tomonidan o‘qitilib kelmoqda. Shu shartnomaga asosan KFU iqtisodiyot nazariyasi va ekonometrika kafedra professor-o‘qituvchilari Zulfakarova Liliya Faridovna, Vaxitova Tina Muratovna va Rudaleva Irina Anatolyevnalar 2021 yil 19-22 may kunlari BuxDU bo‘lib, talabalarga “makroekonomika”, “mikroekonomika”, “Экономика отраслевых рынков” fanlaridan darslar o‘tishdi. Darslar dialog tarzda, zamonaviy o‘qitish metodlaridan foydalanilgan holda tashkil etildi. Bundan tashqari mehmon professor-o‘qituvchilar universitet hayoti bilan ham tanishishdi va “Iqtisodiyot va turizm” fakulteti “Iqtisodiyot” kafedrasi jamoasi bilan uchrashib, KFU online ta’lim platformalari to‘g‘risida taqdimotlar o‘tkazdilar. Shuningdek, kafedra professor-o‘qituvchilari bilan Rossiya oliy ta’limida iqtisodiy talim berishning o‘ziga xos jihatlari va ularni O‘zbekistonda qo‘llash imkoniyatlariga bag‘ishlangan davra suhbati o‘tkazdilar. Shu bilan birgalikda KFU dotsentlari Zulfakarova L.F., Vaxitova T.M. va Rudaleva I.A. 3-2IQT-18 guruhi talabalariga Zamonaviy marketing nazariyasi mavzusida mahorat darsi o‘tib berishdi.Xorijiy professor-o‘qituvchilar BuxDU Ilmiy-amaliy muzey-laboratoriyasiga tashrif buyurib universitet tarixi bilan yaqindan tanishishdi. BuxDUninig BUSINESS ACCELERATOR BUKHARA faoliyatini muvaffaqiyatli yurutish uchun o‘zlarining taklif va tavsiyalarini berib o‘tishdi.Mehmonlar universitet rektori O.X. Xamidov qabulida bo‘lib kelajakda hamkorlikda amalga oshiriladigan ishlar yuzasidan kelishuvlarga olib borishdi.BuxDU xorijiy oliy ta'lim muasassalari bilan hamkorlikdagi qo‘shma ta'lim dasturlarini muvofiqlashtiruvchi bo‘limi
