Joriy yilning 10 aprel, kun davomida Buxoro davlat universiteti Xorijiy tillar fakulteti Gumanitar yo‘nalishlarda chet tili kafedrasi tomonidan “Yangi O‘zbekistonda gender tenglik va xotin-qizlarga yaratilayotgan imkoniyatlarning istiqbollari” mavzusida xalqaro vebinar o‘tkazildi. Vebinarni BuxDU rektori i.f.d, professor O.X.Xamidov kirish so‘zi bilan ochib berib, ishtirokchilarni tanishtirib o‘tdi. Mazkur xalqaro vebinarda yurtimizning har sohadagi lider ayollari bilan birga xorijlik – Angliya, Fransiya, Hindiston, Indoneziya, Qozog‘iston davlatlaridan ishbilarmon xotin-qizlar, o‘quvchi va talaba yoshlar faol ishtirok etishdi. Buyuk Britaniya poytaxti London shahridan tadbirkor ayol, xayriya elchisi, badiiy dizayner, rassom, bosh ijrochi direktor, bosh murabbiy Guli Xonim Sheyx tashrif buyurib, o‘zining qiziqarli, ahamiyatga ega bo‘lgan, mazmunli va dolzarb ma’ruzasi bilan qatnashdi. Shuningdek, O‘zbekiston Respublikasi Oliy Majlisining Inson huquqlari bo‘yicha Ombudsmani – Eshmatova Feruza Farxodovna, Oliy va o‘rta maxsus ta’lim vazirining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchi, pedagogika fanlari doktori, professor – Jamoldinova Odinaxon Rasulovna, Oliy va o‘rta maxsus ta'lim vaziriligi, Ma'naviy ahloqiy tarbiya boshqarmasi yetakchi mutaxassisi, Xotin-qizlar va gender tenglik masalasi bo‘yicha vazirlik mas`ul xodimi – Solixo‘jayeva Dildora Abduraimovna, falsafa fanlari doktori, professor, senator – Huseynova Abira Amanovna, Buxoro viloyati hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi – Ibragimova Feruza Bahodirxonovna, Buxoro viloyat Xalq Ta’limi boshqarmasi boshlig‘i – Dilfuza Ne’matilloyevna Mustafoyeva, Buxoro viloyat Xalq demokratik partiyasi raisi – To‘yeva Zulfiya Nazimovna, O‘zMTDP Buxoro shahar kengashi raisi – Munira Oktyabrovna Qurbonova, O‘zbekiston milliy universitetining xalqaro ishlar bo‘yicha prorektori, filologiya fanlari doktori, professor – Raima Xakimovna Shirinova, BuxDU, filologiya fanlari doktori, professor - O‘rayeva Darmon Saidaxmedovna, Buxoro davlat tibbiyot instituti dosenti, shifokor-infeksionist - Mirzoyeva Mehriniso Rizoyevnalar mazmunli ma’ruzalarini bayon etishdi. Qolaversa, vebinarga onlayn tarzda ishtirok etgan Fransiya davlati Tuluz shahri o‘qituvchisi - Anna Mari Mingyon, Indoneziya Semarang sog‘liqni saqlash vazirligi huzuridagi kolledj talabasi - Lusiya Arita Ayu, Hindistonlik talaba - Sveksha Misralar ahamiyatli chiqishlari bilan tadbirning yanada mazmunli o‘tishida o‘z xissalarini qo‘shishdi. London shahridan tashrif buyurgan mehmon, tadbirkor ayol Guli Xonim Sheyx vebinarda ishtirok etganidan mamnun bo‘lib, Buyuk Britaniyadagi O‘zbekiston elchixonasiga, elchi janoblari S.Rustamovga, BuxDU rektori O.X.Xamidovga, Buxoro viloyat Xalq ta’limi boshqarmasi boshlig‘i D.N.Mustafoyevaga, BuxDU professorlari D.S.O‘rayeva, M.Q.Baqoyevaga, Xorijiy tillar fakulteti dekani f.f.d., professor M.M.Jo‘rayevaga, Gumanitar yo‘nalishlarda chet tili kafedrasi mudiri, dotsent M.N.Hikmatova hamda kafedra jamoasiga o‘z minnatdorchiligini bildirib, tashakkur izhor etdi. Vebinar yuqori saviyada, qiziqarli, ma’lumotlarga boy, do‘stona ruhda o‘tdi. Tadbir so‘ngida barcha ishtirokchilar sertifikat va gullar bilan taqdirlandi. BuxDU Matbuot xizmati