20-aprel kuni Malayziyaning Binary universiteti rahbariyati bilan universitetimiz rahbariyati o‘rtasida tanishuv uchrashuvi bo‘lib o‘tdi. Mamlakatimizning Malayziyadagi elchixonasi hamkorligida o‘tkazilgan uchrashuvda o‘zaro hamkorlik masalalari muhokama qilindi. Shu jumladan, BuxDU bazasida Binary universitetining Global taʼlim markazini tashkil etish taklifi ko‘rib chiqildi. Markaz faoliyatini yo‘lga qo‘yish bilan bog‘liq masalalarni muhokama qilib borish hamda Binary universiteti delegatsiyasining may oyi o‘rtalariga rejalashtirilgan rasmiy tashrifiga qadar yakuniy xulosaga kelish uchun har ikkala tomon vakillari ishtirokida ishchi guruh tashkil qilishga kelishildi. Markaz faoliyati taʼlim sohasidagi xalqaro hamkorlikni rivojlantirishga, xususan yuqori ehtiyojli yo‘nalishlarda taʼlim dasturlari va qisqa kurslarni tashkil etishga, malayziyalik mutaxassislarning faoliyat ko‘rsatishiga imkon berishi nuqtai nazaridan universitetimida ushbu markazni tashkil etish maqsadga muvofiq deb hisoblanmoqda.Maʼlumot uchun: Binary mnejement va tadbirkorlik xalqaro universiteti 1984 yilda tashkil etilgan. Universitetning asosiy yo‘nalishlari qatorida tadbirkorlik taʼlimi, agroiqtisodiyot, turizm, axborot texnologiyalari, moliya kabilarni ko‘rsatib o‘tish mumkin. Universitetda 60 dan ortiq mamlakatdan xorijiy talabalar taʼlim olishadi. Bugungi kunda universitetning Toshkent moliya instititui bilan hamkorlikda qo‘shma taʼlim dasturlari mavjud. Shuningdek, yaqinda Xorazm viloyatida universitetning filiali ochilishi rejalashtirilgan.Universitet rasmiy vebsayti: https://binary.edu.myBuxDU Xalqaro hamkorlik bo'limi
