29-mart kuni Erasmus+ dasturi doirasida Buxoro davlat universiteti ishtirok etayotgan “TALENT: Markaziy Osiyo universitetlarida inson resurslari menejmenti magistratura dasturlari” loyihasining navbatdagi yig‘ilishi bo‘lib o‘tdi. Onlayn yig‘ilishda barcha ishtirokchi universitetlardan koordinatorlar ishtirok etishdi. Yig‘ilishda loyiha bo‘yicha amalga oshirilgan ishlar hamda rejalar muhokama qilindi. Shu jumladan:- Loyiha muddati 2022 yilning 14 noyabrigacha uzaytirilganligi maʼlum qilindi;- Loyihaning vebsayti barcha ishtirokchilar va ulardagi magistratura dasturi materiallari bilan to‘ldiriladi;- Qabuli o‘tkazilib, ayni paytda taʼlim jarayonlari davom etayotgan magistratura dasturlari doirasida o‘qituvchilar faoliyatini baholash bo‘yicha so‘rovnomalar o‘tkaziladi;- Buxoro davlat universiteti va Nazarboyev universitetida (Qozog‘iston) 2021-2022 o‘quv yilidan boshlab, tegishli magistratura dasturi ochilayotganligi, shuningdek BuxDUda “Raqamli iqtisodiyot va inson resurslarini rivojlantirish” markazi faoliyati yo‘lga qo‘yilayotganligi mamnuniyat bilan qayd etildi;- Loyihaning keyingi yig‘ilishi 11-13 may kunlari onlayn shaklda bo‘lib o‘tadi hamda Qirg‘iziston iqtisodiyot universiteti tomonidan tashkil etiladi;- Dastur materiallarini mahalliy o‘qitish tiliga tarjima qilinishi har bir universitetdagi ehtiyojdan kelib chiqqan holda amalga oshiriladi.BuxDU Matbuot xizmati
