Joriy yilning 26 aprel kuni Buxoro viloyati bo‘yicha Siyosiy partiyalari hamda ularning mahalliy Kengash deputatlari uchun o‘quv kurslari bo‘lib o‘tmoqda. Kun tartibiga muvofiq “Siyosiy partiyalar va OAV vakillari hamda mahalliy Kengash deputatlari uchun tashkil etiladigan o‘quv kursining maqsadi va o‘quv jarayonini tashkil qilish masalalari yuzasidan Buxoro davlat universiteti rektori - O. Xamidov, Bosh prokuratura akademiyasi xodimi - D. Chinniyev, Buxoro muhandislik-texnologiya instituti Yoshlar bilan ishlash bo‘yicha prorektori - Y. Shukrullayev hamda Buxoro davlat universiteti Tarix va madaniy meros fakulteti dekani J.R. Jo‘rayevlar ochib berishdi.Siyosiy o‘quv kurslarda tinglovchilarga mamlakatimizda amalga oshirilayotgan islohotlarning mazmun-mohiyati, saylov qonunchiligi, siyosiy partiyalarning dasturiy maqsad va vazifalari hamda saylov jarayonlarini yoritishning o‘ziga xos xususiyatlari zamonaviy pedagogik va interfaol usullardan foydalangan holda yetkazilmoqda.– hududlar va sohalardagi mavjud muammolar va ularni hal etishda siyosiy partiya faoliyati ta’sirchanligini oshirish, siyosiy partiya vakillarining faolligini rivojlantirish, ularda liderlik ko‘nikmalarini rivojlantirish kabilarga alohida e’tibor qaratilib, siyosiy madaniyat va etika, vaqtdan samarali foydalanish va uni boshqarish texnologiyalari (time-management)dan samarali foydalanish bo‘yicha amaliy ko‘nikmalar shakllantirilmoqda;– partiyaning dasturiy maqsadlaridan kelib chiqqan holda parlament va deputat nazoratini tizimli ravishda amalga oshirish bo‘yicha samarli ish uslublari, deputatlarni va siyosiy partiyalar faollarini ushbu sohadagi huquqiy bilim va amaliy ko‘nikmalarini oshirishga qaratilgan bilimlar berilmoqda.Bunda asosiy e’tibor partiya a’zolari tomonidan kuchli deputatlik va parlament nazoratini o‘rnatish bo‘yicha zamonaviy uslublarni tatbiq qilish, muammolarni xalq orasida aniqlash va ularni samarali hal qilish bo‘yicha amaliy ko‘nikmalarni qonunchilik asosida shakllantirishga alohida e’tibor qaratilmoqda;– Siyosiy partiyalarning joylarda ijtimoiy va iqtisodiy sohadagi muammolarni hal qilishda “mahallabay” va “fuqarobay” shaklda olib borilayotgan ishlarni tashkil qilishda o‘z dasturiy maqsadlari hamda elektorat manfaatlaridan kelib chiqqan holda samarali ishlar tashkil qilish ko‘nikmalarini yaratish.Ushbu kurslarda partiya a’zolarini ushbu sohada ishlarni tashkil qilishning samarali mexanizmlari, joylardagi muammolarni aniqlash va ularni hal qilish bo‘yicha chora-tadbirlarni belgilash ko‘nikmalarini takomillashtiriladi;– Respublikamizda joriy etilayotgan yangi 3 bo‘g‘inli “mahallabay” tizimidan samarali foydalanish va “Mahalla raisi – islohotchi” tamoyilining joriy etilishida partiya va mahalliy kengash deputatlarining o‘rni, ishni tashkil qilish ko‘nikmalarini oshirishga qaratilgan interaktiv o‘quv jarayonlari tashkil qilinmoqda;– “Temir daftar”, “Yoshlar daftari” va “Ayollar daftari”ga kiritilgan fuqarolar bilan sektorlar kesimida aniq yo‘naltirilgan holda manzilli ishlash, ularni aniqlash va kasbga yo‘naltirish bo‘yicha ishlarni to‘g‘ri va tizimli tashkil qilishga qaratilgan treninglar o‘tkazilmoqda;–deputatlar va partiya faollari tomonidan ilg‘or tadbirkorlarni jalb qilgan holda joylarda motivasion treninglar hamda “master klass”lar tashkil qilish orqali aholini, ayniqsa yoshlarni tadbirkorlikka yo‘naltirishga qaratilgan tizimli ishlarni tashkil qilish bo‘yicha amaliy ko‘nikmalar o‘rgatilmoqda. Bunda siyosiy partiya elektorati bilan ishlash bo‘yicha xorijiy davlatlarda samarali foydalanib kelinayotgan ish uslublari amaliy mashg‘ulotlar shaklida tinglovchilarga yetkazilmoqda;O‘quv kurslari davomida siyosiy partiyalar va OAV vakillari hamda mahalliy kengash deputatlarining saylov qonunchiligi va xalqaro talablar doirasida bilimlarini takomillashtirish, OAV lari tomonidan aholiga ushbu sohadagi huquqiy normalarni to‘g‘ri talqin qilgan holda yetkazish bo‘yicha amaliy va nazariy bilimlar berilmoqda.BuxDU Matbuot xizmati