2021 yil 28 yanvar kuni Buxoro davlat universitetida “Terrorizm va ekstremizm tahdidlariga qarshi kurashish” mavzusiga bag‘ishlab ma’naviy-ma’rifiy tadbir o‘tkazildi. Ushbu tadbirda Yoshlar bilan ishlash bo‘yicha prorektor A.M.Kadirov Buxoro shahar Bosh imom xatibi O.Avezov, Buxoro viloyat Ichki Ishlar Boshqarmasi “Terrorizm va ekstremizmga qarshi kurash” boshqarmasi kapitani I.Rahmatullayev, Buxoro viloyat Ichki Ishlar Boshqarmasi “Terrorizm va ekstremizmga qarshi kurash” boshqarmasi katta leytenanti N.Doniyev, dyekan o‘rinbosarlari, bo‘lim uslubshunoslari, professor–o‘qituvchilar, talabalar qatnashdilar.Tadbirning kirish so‘zini Yoshlar bilan ishlash bo‘yicha prorektor A.M.Kadirov ochib, barchaga ma’lumki yurtboshimiz yaqinda Buxoro viloyatiga tashrif buyurib, viloyatdagi yutuqlar, o‘zgarishlar, kamchiliklar bilan tanishganliklarini ta’kidlab o‘tdilar. Shu bilan bir qatorda yurtboshimizni bugungi kunda qiynab kelayotgan masala yoshlarimiz kelajagi, ta’lim-tarbiya olishi, ish bilan bandligi borasida bir qancha topshiriqlar berilganligi to‘g‘risida talaba-yoshlarga tushuncha berib o‘tdilar. A.M.Kadirov eng oqsab turgan muammo yoshlarimizning e’tibordan, nazoratdan chetda qolganligi, pandemiya davrida onlayn darslardan holi paytda ko‘pgina keraksiz internet sahifalariga kirib qolishi, uyali aloqa vositasini o‘ziga maslakdosh, qo‘shtirnoq ichidagi do‘st qilib olishi, diniy hamda huquqiy ongining to‘la rivojlanmaganligi evaziga turli oqimlarga kirib adashib ketayotgan yoshlarimiz taqdiri to‘g‘risida kuyunib gapirdi. Universitetni 70% ni bitiradigan talabalar pedagog bo‘lib yetishadi. Shuni inobatga olgan holda, ilm olishda, ma’naviyatli va ma’rifatli inson bo‘lib ular jamiyatni yangi yuksalishlarga olib chiqadi deb ta’kidlab o‘tildi. Yig‘ilish ishtirokchilariga tadbir mehmonlari tanishtirib o‘tildi.So‘z navbati Buxoro viloyat Ichki Ishlar Boshqarmasi “Terrorizm va ekstremizmga qarshi kurash” boshqarmasi kapitani I.Rahmatullayevga berildi: Avvalombor assalomu alaykum hurmatli jamoa. Bugungi ma’ruzamizdan asosiy maqsad yoshlarimizning o‘zi anglamagan holda internet orqali terroristik tashkilotlar guruhiga a’zo bo‘lib qolmoqda. Albatta, bu guruhlarga internet orqali a’zo bo‘li muamma. Bunday hatti harakatlar davlat organlari tomonidan qattiq nazorat qilinadi. Asosiy tug‘dirayotgan muammo yoshlarimizning maktabni bitirib, oliy ta’lim dargohlarini qoldirib, chet davlatlariga, xorijga chiqib ketishi hamda u yerda tojik, qirg‘iz millatlariga mansub shaxslar bilan birga ishlagan davr mobaynida o‘shalarning ta’siriga tushib qoladi.So‘z navbati Buxoro shahar Bosh imom xatibi O.Avezovga berildi: Assalomu alaykum va rahmatullohi va barakatuh. Avvalombor barchalaringizni aziz va mukarram, aziz inson qilib yaratgan, shunday bir ulug‘ dargohda ilm olishlikni, ilmdan bahramand bo‘lishlikni ato etgan Allohga cheksiz hamdu sanolar, shukronalar bo‘lsin. Alloh barchamiz uchun bugungi suhbatimizni xayrli, manfaatli qilsin. Albatta bugun islom dini to‘g‘risida gapirganda juda ham ko‘p suhbatlarni, ma’ruzalarni eshitganmiz. O‘zimiz hushyor bo‘lib, har xil fitna fasodlar, yot g‘oyalar, oqimlardan o‘zimizni ehtiyot qilishligimiz lozim bo‘ladi. Payg‘ambarimiz (S.A.V) aytdilarki, fitna degani uxlab yotgan narsa ekan. Uni hech narsadan xabari yo‘q.Bayonlashtirdi: Sh.RadjabovaBuxDU Matbuot xizmati
