Buxoro davlat universiteti Ingliz tilshunosligi kafedrasida filologiya fanlari nomzodi, dotsent Muharram Hayatovna Alimova tavalludining 75 yilligiga bagʻishlangan “PRAGMALINGVISTIKA, FUNKSIONAL TARJIMASHUNOSLIK VA TIL O'RGATISH JARAYONLARI INTEGRATSIYASI” mavzusida xalqaro ilmiy-nazariy konferensiya boʻlib oʻtdi.Mamlakatimizning koʻzga koʻringan ilm-fan namoyondalaridan prof.S.Saidov, prof.I.Mirzayev, prof.A.Mamatov, prof. М.Joʻrayeva, prof.Atajanovalar bilan bir qatorda AQSh, Kanada kabi jahonning yetakchi davlatlaridan PhD D.Hasanova, PhD Z.Akobirova, N.Bozorova kabi olimlar qatnashgan mazkur anjuman onlayn shaklda tashkil etildi. Xalqaro konferensiya ishtirokchilari Oʻzbekistonda oliy taʼlim sohasida olib borilayotgan islohotlar, ayniqsa, filologiya va til oʻqitish borasidagi ilmiy tadqiqotlarga alohida toʻxtalib oʻzgarishlar samarasi allaqachon oʻz natijasini berganligiga toʻxtalib oʻtdilar. Shu jumladan, Buxoro davlat universitetida ham dotsent M.Alimova faoliyati davomida taʼlim-tarbiya olgan yoshlar falsafa doktori ilmiy darajasiga ega boʻlishlarida olimaning hissasi katta boʻlganligi eʼtirof etildi.