2015 yil 26–27 noyabr kunlari Buxoro davlat universiteti fizika – matematika fakultetida O’zbekiston Respublikasi Vazirlar Mahkamasining 2015 yil 11 fevraldagi 56-f-sonli Farmoyishi bilan tasdiqlangan “O’zbekiston Respublikasidagi 2015 yilda xalqaro va respublika miqiyosida o’tkaziladigan ilmiy va ilmiy-texnik anjumanlar rejasi”da belgilangan tadbirlarni amalga oshirish, hamda Oliy va o’rta maxsus ta’lim vazirligining 2015 yil 16 fevraldagi “Vazirlik tizimidagi oliy ta’lim va ilmiy-tadqiqot muassasalarida 2015 yilda o’tkaziladigan ilmiy anjumanlar rejasini tasdiqlash to’g’risida”gi 51-sonli buyrug’i asosida “Matematik fizika va zamonaviy analizning turdosh masalalari” mavzusida Respublika ilmiy–amaliy anjumani bo’lib o’tdi. 2015 yil 26 noyabr kuni 8:30 dan 10:00 gacha Buxoro davlat universiteti rektorati binosida ishtirokchilar ro’yxatga olindi. 10:00 da mazkur binoning kichik majlislar zalida anjuman o’z ishini boshladi. Buxoro davlat universiteti ilmiy ishlar prorektori K.A.Samiev anjumanni ochiq deb e’lon qilib, universitet rektori A.A.Tulaganovga tabrik uchun so’z berdi. Tabrik so’zdan so’ng anjumanning yalpi ma’ruzalar qismiga o’tildi. Uni O’zbekiston Milliy Universiteti professori M.M.Aripov boshqardi. Bu qismda Rossiya Federasiyasining Ulyanovsk davlat universiteti «Matematika va informatika» fakulteti dekani, f.-m.f.d., prof. A.S.Andreev, O’zbekiston Milliy Universiteti qoshidagi Matematika Instituti professori, O’zbekiston matematika jamiyati raisi A.A.Azamov, O’zbekiston Milliy Universiteti professorlari M.M.Aripov va A.Ya.Narmanovlar hamda Buxoro davlat universiteti o’quv ishlari prorektori, f.-m.f.d. D.Q.Durdievlar ma’ruza qildilar.Tushlikdan so’ng sho’’balar o’z ishini boshladi. Anjuman ishi quyidagi yo’nalishlarda bo’lib o’tdi: I–sho’’ba: Algebra, analiz, geometriya (sho’’ba raisi: prof. A.Ya.Narmanov, ilmiy kotib: dos. R.T.Muxitdinov);II–sho’’ba: Differensial tenglamalar, teskari va nokorrekt masalalar (sho’’ba raisi: prof. B.I.Islomov, ilmiy kotib: dos. G’.Yaxshimuratov);III–sho’’ba: Hisoblash matematikasi va matematik modellashtirish (sho’’ba raisi: prof. X.M.Shadimetov, ilmiy kotib: dos. N.H.Mamatova);IV–sho’’ba: Matematika va informatikani o’qitishning zamonaviy usullari (sho’’ba raisi: prof. S.A.Imomkulov, ilmiy kotib: dos. T.B.Boltaev).Sho’’ba yig’ilishlari tanaffusga chiqqanda davra suhbatlari va munozaralar bo’lib o’tdi. «Matematika» kafedrasi pedagog xodimlari tomonidan chop qilingan ilmiy ishlar ko’rgazmasi tashkil qilindi. 27 noyabr kuni I–IV sho’’balar 9:00 dan boshlab o’z faoliyatini davom ettirdi. Ma’ruzalar o’zbek, rus va ingliz tillarida olib borildi. 27 noyabr kuni professor A.A.Azamovning fizika-matematika fakulteti matematika ta’lim yo’nalishida tahsil olayotgan yuqori kurs talabalari uchun matematikaning dolzarb muammolariga bag’ishlangan ma’ruzasi bo’lib o’tdi.Anjuman ishida matematika fani rivojiga o’zining ulkan hissalarini qo’shib kelayotgan bir qator olimlar ishtirok qildilar. Bunga yalpi ma’ruzalar qismida nomlari zikr qilingan olimlardan tashqari yana quyidagi olimlarni misol keltirish mumkin: Rossiya Federasiyasining Ulyanovsk davlat universiteti professori O.A.Peregudova, O’zbekiston Milliy Universiteti qoshidagi Matematika Instituti professori X.M.Shadimetov, O’zbekiston Milliy Universiteti professorlari B.I.Islomov, K.Fayazov, M.Sh.Fayazov, Nizomiy nomidagi Toshkent davlat pedagogika universiteti professori R.B.Beshimov, Samarqand davlat universiteti professori A.H.Haydarov, Navoiy davlat pedagogika instituti professori S.A.Imomkulov, Urganch davlat universiteti professori A.B.Hasanov va boshqalar.Shunday qilib, anjuman ishida Ulyanovsk davlat universiteti, O’zbekiston Milliy Universiteti hamda uning qoshidagi matematika instituti, Nizomiy nomidagi Toshkent davlat pedagogika universiteti, Toshkent axborot texnologiyalari universiteti, Andijon davlat universiteti, Namangan davlat universiteti, Jizzax davlat pedagogika instituti, Samarqand davlat universiteti, Navoiy davlat pedagogika instituti, Qarshi davlat universiteti, Termiz davlat universiteti, Urganch davlat universiteti, Buxoro muhandislik texnologiya instituti, Buxoro davlat tibbiyot instituti, Buxoro davlat universitetida faoliyat olib borayotgan 100 dan ziyod olimlar ishtirok qildilar.Ilmiy anjumanda matematik fizika va zamonaviy analizning turdosh masalalari buyicha ilmiy faoliyatda erishilgan salmoqli natijalar muhokama qilindi xamda iqtidorli talabalar, magistrant va yosh mutaxassislar ilmiy-tatqiqot ishlari bilan faol shug’ullanishlari uchun tashviqot targ’ibot ishlari olib borildi. Bundan tashqari, matematikani o’qitishda ilg’or texnologiyalardan foydalanish bo’yicha fikr almashinildi.Bo’lib o’tgan ilmiy anjuman mamlakatimizda matematika fanining ustivor yo’nalishlari bo’yicha ilmiy-amaliy dasturlarini amalga oshirishda, yosh olimlarni sohaga jalb qilishda hamda ularni sohaning etuk mutaxassislari bilan aloqalarni yanada mustahkamlashda muhim ahamiyatga egadir.Anjuman so’ngida barcha ishtirokchilar sertifikatlar bilan taqdirlandilar.[widgetkit id=63]
