2015 yil 19 fevral Buxoro shahar 23-maktabda “Fanlararo uzviylik – o`quvchi kompetentligini shakllantirish asosi” mavzusida o`tkazilgan viloyat ilmiy-amaliy seminari o`tkazildi. Seminarda VXTB Metodika markazi rahbari Z.Hojieva, ingliz tili mutaxassisi R.Xujamurodova, Buxoro Davlat universiteti “Matematik fizika va analiz” kafedrasi o`qituvchilari Z.Bozorov va A.Rashidov, Pedagogika kafedrasi mudiri p.f.n., dotsent G.Najmiddinova, kafedra o`qituvchilari M.Ochilova, O`.Qurbonova, “Ingliz tili” kafedrasi o`qituvchisi G.Hamroeva, BSHXTMFMTTEB metodistlari G.Kabirova, M.Andaeva, Olot tumani ingliz tili fani o`qituvchilari, maktab pedagog xodimlari Maktab direktori I.Imomova so`zga chiqib, Buxoro Davlat universiteti va viloyat xalq ta’limi boshqarmasining 2014 yil oktyabrdagi “Buxoro viloyati umumiy o`rta ta’limi muassasalarini ilmiy-metodik qo`llab-quvvatlash to`g`risida”gi qo`shma buyrug`i asosida 23-maktab matematika, ingliz tili va boshlang`ich ta’lim fanlari bo`yicha Mahorat maktabi sifatida belgilanganligi va umumta’lim fanlari bo`yicha umumiy o`rta, o`rta maxsus, kasb-hunar ta’limining o`quvchilarda kompetentsiyalarni shakllantirishga yo`naltirilgan Davlat ta’lim standartlari va o`quv dasturlari loyihalari 6 ta fan bo`yicha tajriba-sinovdan o`tkazilayotganligi haqida gapirdi. Seminar dasturi asosida 10 soat ochiq darslar (shundan 5 soati tajriba-sinov, 5 soati nazorat sinflarida) o`tkazilganligi, mazkur dars tahlillarida o`quvchilarda tayanch kompetentsiyalarni fanlararo bog`liqlikda shakllantirish yo`llari, tajriba-sinov sinflarida eksperimentator o`qituvchilar tomonidan “O`quvchi – o`qituvchilar nigohida” g`oyasi asosida ish olib borilayotganligi va fan o`qituvchilari hamkorlikda sinf o`quvchilarining har biri o`zlashtirishi, o`rganishi, unda qiyinchilik tug`dirayotgan jihatlar, “O`rgan - o`rgat” tizimi asosida o`quvchiga ko`rsatilayotgan amaliy yordam, uning o`quvchi bilim samaradorligiga ta’siri to`g`risida to`xtalib o`tdi. Ayniqsa, “O`quvchi – o`qituvchilar nigohida” g`oyasining yaxshi samara berayotganligi, ya’ni o`quvchining bilim samaradorligini oshishiga ko`rsatayotgan ijobiy ta’siri va bu tajribani keng qo`llash bo`yicha tavsiyalar berildi. Bundan tashqari, maktabning BDU bilan talabalarning pedagogik amaliyotini tashkil etish bo`yicha olib borilayotgan ishlari, ularning natijaviyligi, bugungi seminarda ham amaliyotchi-talabalar tomonidan matematika fani bo`yicha “Zakovat” tadbiri tashkil etilganligi, bu albatta, o`quvchilar bilan talabalarning darsdan keyin samarali ish olib borib, yaxshi natijalarga erishganligi haqida gapirildi. SHuningdek, seminarda Olot tumanidagi Mahorat maktablaridan 3 nafar ingliz tili o`qituvchisi tashrif buyurib, ingliz tili darslarini kuzatganligi, va o`qituvchilar bilan BDU “Ingliz tili” kafedrasi o`qituvchisi G.Xamroeva “Communicative language teaching” mavzusida seminar-trening o`tkazganligi haqida fikr-mulohazalar bayon etildi. “Pedagogika” kafedrasi mudiri P.f.n., dotsent G.Najmiddinova, kafedra o`qituvchilari M.Ochilova, O`.Qurbonovalar boshlang`ich sinflarda 3 soat dars kuzatib, darsda belgilangan kompetentsiyalarni o`quvchilarda shakllantirish bo`yicha qo`yilgan maqsad va uni amalga oshirilgan metodlarining dars mavzusiga muvofiqligi, belgilangan vazifalarning dars davomida amalga oshirilganligi, AKTdan samarali foydalanilganligi haqida to`xtalib o`tildi. Pedagogika kafedrasi mudiri G.Najmiddinovaning “Tayanch kompetentsiyalarni shakllantirish – boshlang`ich sinf o`quvchilarining bilish faolligini oshirish vositasi sifatida” mavzudagi ma’ruzasi tinglandi. Ma’ruzada kompetentsiyaviy ta’lim zamon talabi ekanligi, jahon tajribasidan kelib chiqqan holda O`zbekistonda mazkur ta’limni amalga oshirish bo`yicha qilinayotgan ishlar, jumladan, Buxoro shahar 23-maktabda tajriba-sinov jarayonining borishi, tahlil va xulosalar bildirildi. Seminarda VMM rahbari Z.Hojieva “Fanlararo bog`liqlik va hamkorlikda o`quvchilarda tayanch kompetentsiyalarni shakllantirish yo`llari” mavzusida ma’ruza qildi. U o`z ma’ruzasida Respublika Ta’lim markazining 2015 yil 9 yanvardagi 01q11-01q10-07-sonli xati asosida tajriba-sinov maydonchalariga tayanch kompetentsiyalar elementlari va shu asosda ularni baholash mezonlari yuborilganligi, har bir eksperimentator o`qituvchi mazkur tavsiyalarni mukammal o`rganib chiqqan holda, 3-chorakda o`quvchilarni ushbu mezonlarga muvofiq baholash lozimligi to`g`risida gapirdi. Seminar yakunida o`quv-tarbiya ishlari bo`yicha direktor o`rinbosari A.Rustamova so`zga chiqib, boshlang`ich sinf o`qituvchisi SH.Isomiddinovaning ish faoliyati natijaviyligi, tajriba-sinov jarayonini namunali olib borayotganligi va ta’lim-tarbiya jarayonida zamonaviy pedagogik va axborot texnologiyalarini samarali qo`llab kelayotganligini hisobga olgan holda viloyatda ish tajribasini ommalashtirishga tavsiya etdi. Tadbir yakuni bo`yicha tavsiyalar qabul qilindi.
