3-dekabr kuni xalqaro hamkorlik bo‘yicha prorektor A.Jo‘rayev universitetning yangi hamkorlaridan biri – Turkiyaning Istambul tijorat universiteti rahbariyati bilan onlayn uchrashuvda ishtirok etdi. Uchrashuvda Istambul tijorat universiteti rektori Yudjel Og‘urlu, xalqaro aloqalar bo‘yicha masʼul Ali Altug‘ Bicher, akademik almashinuv dasturlari bo‘yicha masʼul Jevher Aslan, mazkur universitet xalqaro aloqalar bo‘limi xodimi Zebiniso Kamolova, BuxDU Xorijiy tillar fakulteti o‘qituvchisi Mehrinigor Ahmedovalar ishtirok etishdi.Istambul tijorat universiteti 2001 yilda Istambul savdo-sanoat palatasi homiyligida tashkil qilingan. Dastlabki yilda 73 nafar talabani o‘qishga qabul qilgan universitetda ayni paytda 7 ming nafardan ortiq talaba taʼlim olmoqda. 6 ta fakultet, 24 ta kafedra, 4 ta institut, 14 ta ilmiy markaz, 65 magistratura mutaxassisligi doirasida faoliyat olib borilmoqda. Universitetning maqsadi sifatida mamlakat iqtisodiyoti, tijorat va sanoat sohalariga o‘z hissasini qo‘shadigan sifatli kadrlarni yetkazib berish, bunda texnologik taraqqiyot yutuqlaridan foydalanish tanlangan. Universitet veb sahifasi: www.ticaret.edu.tr. Qo‘shimcha ma’lumotlar bilan Wikipedia da ham tanishish mumkin: https://en.wikipedia.org/wiki/Istanbul_Commerce_UniversityBuxoro davlat universiteti bilan Istambul tijorat universiteti o‘rtasida yaqinda o‘zaro hamkorlik shartnomasi imzolangan bo‘lib, bugungi uchrashuv ushbu shartnoma doirasida amalga oshiriladigan ishlarning muhokamasiga bag‘ishlandi.Uchrashuvning asosiy natijasi sifatida har ikkala tomon o‘zlarini qiziqtiruvchi mavzularda ilmiy konferensiya hamda seminarlar tashkil qilishga, qisqa muddatda o‘zlarini qiziqtiruvchi mavzularni bir-birlariga maʼlum qilishga kelishib olishdi. Xususan, prorektor A.Jo‘rayev tomonidan bildirilgan raqamli iqtisodiyot bo‘yicha vebinar tashkil qilish taklifi hamkorlar tomonidan qo‘llab-quvvatlandi.BuxDU Xalqaro hamkorlik bo'limi
