2020 yil 17 noyabr kuni Buxoro davlat universiteti Fizika-matematika fakulteti Amaliy matematika va dasturlash texnologiyalari hamda Axborot texnologiyalari kafedralari tomonidan iqtidorli talabalarni taqdirlash marosimiga oid tadbir tashkil qilindi.Ushbu tadbirni universitet rektori O.X. Xamidov ochib berdilar va axborot texnologiyalarining xozirgi rivojlanib borayotgan zamondagi ahamiyati to'g'risida gapirdilar. Bir necha yil oldin Buxoro davlat universitetining Axborot texnologiyalari yo'nalishini tugatgan, hozirgi kunda muvaffaqiyatli AT kompaniya rahbari darajasiga erishgan, ustozimiz T.Boltayev va mazkur kafedra professor –o‘qituvchilarning shogirdi o‘z hisoblaridan homiylik qilib, iqtidorli talabalarimizga 7ta laptopni sovg‘a sifatida chin qalbdan hadya qildilar. Kelajakda yana bunday ishlarni uzluksiz davom ettirishni qalblariga tugib qo‘yganliklarini, oliygohimizdan, fakultetimizdan, kafedramizdan minnatdor ekanliklarini, shu bilan qisman izhor etganliklarini bildirib, hozirda shunday yetuk mutaxassis bo‘lishimga oliygohdagi barcha ustozlarimdan umrbod qarzdorman, kelajakda yana iqtidorli talabalarni qo‘limdan kelganicha qo‘llab-quvvatlashga harakat qilaman va bugungi tadbirni tashkil qilishdagi barcha tashkilotchilarga o‘z minnatdorchiligimni bildiraman degan so‘zlarini bizga yetkazdilar. Biz ham o‘z navbatida bu shogirdimizning ishlariga omad, sog‘lik-salomatlik tilaymiz, farzandlari, shogirdlari, ustozlari baxtiga hamisha sog‘-salomat bo‘lsinlar. Ustozlarimiz T.B.Boltayev, H.O.Jo‘rayev, O.I.Jalolov so‘zga chiqib, bugungi tadbirda qatnashayotgan faol talabalarga ushbu sobiq talabamizni o‘rnak sifatida ko‘rsatib, kelajakda ularni ham harakat qilib, shunday darajalarga erishishlariga va yaxshi mutaxassis bo‘lishlariga omad tiladilar. (Homiy o‘z ism-shariflarini aytmaslikni iltimos qildilar)BuxDU Matbuot xizmati
