Mamlakatimiz oliy taʼlim tizimidagi islohotlar va ularning natijalari xorijiy universitetlarda ham qiziqish bilan kuzatib borilmoqda. Yaqinda BuxDU rektori prof. O.Xamidovning “O‘zbekistonda yangi o‘quv yili yangi yutuqlar bilan boshlanmoqda” mavzusidagi maqolasi Indoneziyaning Gunadarma universiteti gazetasida nashr etildi.Maqolada joriy yilning 16-martidan boshlab joriy qilingan karantin holatidan so‘ng, qisqa muddatda mamlakatimiz oliy taʼlimi yangi shart-sharoitlarga moslasha olganligi, natijada o‘tgan o‘quv yili o‘z vaqtida yakunlanganligini maʼlum qilish qatorida yangi o‘quv yiliga tayyorgarlik borasida olib borilgan keng ko‘lamli ishlar haqida fikr yuritiladi.Prezidentimiz Sh.Mirziyoyevning “Pandemiyani sabab qilib taʼlim tizimini takomillashtirish bo‘yicha ishlarni kechiktirishga mutlaqo haqqimiz yo‘q” deb bildirgan fikrini taʼkidlab o‘tgan muallif “O‘zbekiston Respublikasi oliy taʼlim tizimini 2030 yilgacha rivojlantirish konsepsiyasi” doirasida belgilangan vazifalarni amalga oshirish choralari aslo susaytirilmasligini bildirib o‘tgan. Xususan, oliy taʼlimda ilg‘or xorijiy tajribani joriy qilish, taʼlim sifatini oshirish, bitiruvchilarni mehnat bozori talablariga mos ravishda tayyorlash, “Universitet 3.0” tamoyillarini joriy qilish, ilmiy tadqiqotlar ko‘lamini kengaytirish kabi yo‘nalishlar butun oliy taʼlim tizimining eʼtiborida ekanligini, keyingi o‘n yillik davomida O‘zbekistonni Markaziy Osiyoning taʼlim xabiga aylantirish bosh maqsad ekanligini maʼlum qilgan.Maqolada “El-yurt umidi” jamg‘armasi faoliyati haqida ham so‘z yuritilgan. Shu jumladan, jamg‘arma tomonidan xorijdagi vatandoshlar ishtirokidagi Xalqaro ekspertlar kengashi faoliyati yo‘lga qo‘yilganligi, ushbu kengash tomonidan oliy taʼlimni rivojlantirish borasida doimiy konsultatsiyalar tashkil qilib borilayotganligi aytib o‘tilgan.O‘zbekiston bilan Indoneziya o‘rtasidagi hamkorlik aloqalari barcha sohalar qatorida oliy taʼlimda ham samarali olib borilmoqda. Bunda Gunadarma universitetining alohida o‘rni bor. Gunadarma universiteti rektori, prof. Eko Margianti xonimning O‘zbekistonning Indoneziyadagi turizm elchisi sifatida ham faoliyat olib borishi bunga dalolatdir.Buxoro davlat universitetida Gunadarma universiteti bilan hamkorlikda tashkil qilingan “Raqamli turizm” qo‘shma magistratura dasturi bugungi kunda juda istiqbolli bo‘lib turgan turgan soha uchun kadrlar tayyorlamoqda. 2021 yilda ushbu dasturni ilk magistrlar, shu jumladan 7 nafar mahalliy hamda 11 nafar indoneziyalik kadrlar bitirib chiqishadi.Maqolada mana shunday yutuqlar bilan boshlangan yangi o‘quv yili yana-da salmoqli natijalar bilan yakunlanishiga umid bildirilgan.Xalqaro hamkorlik bo`limi
