Buxoro davlat universiteti o’quv-uslubiy boshqarmasi tomonidan universitetning 101-auditoriyasida “Oliy ta’limda masofaviy ta’lim va elektron hujjat almashinuv” mavzusida seminar-trening tashkil etildi. Seminar-treningda Buxoro davlat universiteti fizika-matematika fakulteti amaliy matematika va axborot texnologiyalari mutaxassisligi 2-bosqich magistranti Feruz Karimov fakultetlarning o’quv ishlari bo’yicha dekan muovinlariga Google Docs dasturiy ta’minotining funksional quyidagi imkoniyatlari va afzalliklarini ta’kidlab o’tdi: Hozirgi vaqtda Google Docs - word hujjatlarini yaratish va tahrirlash, .doc va .docx bilan ishlaydigan eng yaxshi xizmat. Google Docs o’xshash onlayn-muharrirlardan, birinchi navbatda, interfeysning soddaligi bilan ajralib turadi, bu xizmat bilan ishlashni qulay qiladi. Shu bilan birga, uning funksionalligi juda keng, muharrir sizga matnni formatlash, yozuvlarni haqiqiy rejimda tuzatish, rasmlarni kiritish, shuningdek hujjatni boshqa formatlarga o’tkazish va eksport qilish imkonini beradigan bir qator vositalarni o’z ichiga oladi. Shu bilan birga Feruz Karimov masofaviy ta’lim jarayonida Google Docs dasturiy ta’minotidan foydalangan holda turli xil hisobotlarni yaratish va kunlik hisobot-jadvallarni to’ldirish samarali va qulay ekanligini Google Docs dasturiy ta’minotida o’zi tayyorlagan “Buxoro davlat universitetida o’qitiladigan fanlar va dars mashg’ulotlarining MOODLE platformasiga joylashtirilganligi va to’g’ri shakllantirganligi to’g’risida umumiy ma’lumot” dalolatnoma jadvali misolida amalda ko’rsatdi.Ishtirokchilar: Buxoro davlat universiteti o’quv-uslubiy boshqarmasi boshlig’i R.G’.Jumayev, o’quv-uslubiy boshqarmasi xodimlari, fakultetlarning o’quv ishlari bo’yicha dekan muovinlari.BuxDU Matbuot xizmati
