2020 yil 25 sentabr kuni Buxoro davlat universitetida “O‘zbekiston Respublikasi Prezidenti Shavkat Mirziyoyevning BMT Bosh Assambleyasining 75-sessiyasidagi nutqining mazmun-mohiyati” mavzusidagi seminar bo‘lib o‘tdi. Seminar ZOOM platformasida tashkil etilib, unda O‘zbekiston Respublikasi Prezidenti Shavkat Mirziyoyevning BMT Bosh Assambleyasining 75-sessiyasida ilgari surgan tashabbuslari 1) BMT shafeligida Pandemiyalar davrida davlatlarning ixtiyoriy majburiyatlari to‘g‘risida xalqaro kodeksni ishlab chiqish; 2) Yoshlar huquqlari to‘g‘risidagi BMT konvensiyasini qabul qilish bo‘yicha O‘zbekiston tashabbusini qo‘llab-quvvatlash; 3) Barqaror taraqqiyot maqsadlariga erishish va inson huqularini ta’minlashda parlamentlar rolini oshirish to‘g‘risidagi BMT BAning maxsus rezolyusiyasini qabul qilish; 4) BMT shafeligida Transport-kommunikasiya aloqalarini rivojlantirish mintaqaviy markazini ochish; 5) Mintaqaviy qo‘shma rejaning 10 yillik natijalari va kelgusi istiqbollariga bag‘ishlangan xalqaro konferensiyani o‘tkazish; 6) 2021 yil YUNESKO bilan hamkorlikda qadimiy Xiva shahrida “Markaziy Osiyo jahon sivilizatsiyalari chorrahasida” degan mavzuda xalqaro forumni o‘tkazish; 6) BMT huzurida Afg‘oniston bo‘yicha xalqaro hamkorlikning yangi shaklidagi doimiy faoliyat ko‘rsatadigan qo‘mita tashkil etish; 7) Orolbo‘yi mintaqasini ekologik innovatsiya va texnologiyalar hududi, deb e’lon qilish haqida BMT BAning maxsus rezolyusiyasini qabul qilish. Ushbu hujjat tasdiqlangan sanani Xalqaro ekologik tizimlarni himoya qilish va tiklash kuni sifatida nishonlash; 8) Qashshoqlikni tugatish va kambag‘allikka qarshi kurashishni BMT BA navbatdagi sessiyasining asosiy mavzularidan biri sifatida belgilash, ushbu masalalarga bag‘ishlangan global sammitni o‘tkazishning mazmun mohiyatini keng ommaga tushuntirish maqsad qilib olindi.Seminarni Buxoro davlat universiteti rektori Obidjon Xamidov kirish so‘zi bilan ochib, O‘zbekiston Respublikasi Prezidenti Shavkat Miromonovich Mirziyoyevning Birlashgan Millatlar Tashkiloti Bosh Assambleyasining 75-sessiyasida so‘zlagan nutqini alohida tarixiy voqea deb hisoblayman deya ta’kidladilar.Shuningdek Yoshlar bilan ishlash bo'yicha prorektor A.M. Kadirov ham so‘zlarida “Bu nutqda dunyodagi va mintaqadagi muammolar xususida O‘zbekiston siyosiy yondashuvi aniq va teran yoritib berildi. Prezident ushbu chiqishining tarixiy ahamiyati shundan iboratki, BMT tarixida ilk marotaba mustaqil O‘zbekiston rahbari o‘zbek tilida nutq so‘zladi. O‘zbek tilida so‘zlangan bu nutq nafaqat 34 millionlik O‘zbekiston ahlini, balki dunyodagi ko‘plab mamlakatlarda yashovchi millatdoshlarimizni chin ma’noda g‘ururlantirdi” deya gapirib o‘tdilar.Seminar davomida Oliy Majlis Qonunchilik palatasi deputati Choriyev Tavakkal Ravshanovich, Respublika Ma’naviyat va ma’rifat Buxoro viloyati bo‘limi direktori Pardayeva Marhabo Davlatovna, “Tadbirkor ayol” uyushmasi Buxoro viloyati bo‘limi rahbari Axmedova Dilbar Bo‘ronovna, Fuqarolik jamiyatini shakllanishini monitoring qilish mustaqil instituti Buxoro viloyati hududiy bo‘linmasi mudiri J.Boltayev, Yoshlar agentligi bosh boshqarmasi o‘rinbosari Nurov Suxrob Qodirovich, Tarix va madaniy meros fakulteti “Jahon tarixi” kafedrasi professori, tarix fanlar nomzodi Hayitov Shodmon Axmadovich, Milliy g‘oya, ma’naviyat asoslari va huquq ta’limi kafedrasi dotsenti Raupov Sohib Saidovich, “Adolat” sotsial demokratik partiyasi Buxoro viloyati Kengashi raisi o‘rinbosari R.Suvonov, Fizika-matematika fakulteti Amaliy matematika va axborot texnologiyalari 2-bosqich magistranti Karimov Feruz Raimovich, Tarix va madaniy meros fakulteti 2-bosqich talabasi Kamildjanov Muhammadjon Ne’matjonovich o‘z ma’ruzalari bilan ishtirok etdilar.Seminar yakunida Prezidentimiz Sh.M.Mirziyoyevning BMT Bosh Assambleyasining 75-sessiyasida ilgari surgan tashabbuslarini amalga oshirilishi yuzasidan har oyda ikki marotaba seminar o‘tkazishga kelishildi. Yoshlar bilan ishlash, manaviyat va ma'rifat bo'limi uslubshunosi Sh.E. Radjabova va BuxDU Matbuot xizmati hamkorligida tayyorlandi.
