2020-yilning 8-9-sentabr kunlari Buxoro davlat universiteti Qorako`l akademik litseyida 2020-2021 o`quv yili uchun litseyning 1-kursiga o`quvchilar qabul imtihonlari bo`lib o`tdi. Hujjat topshirgan (online ro`yxatdan o`tgan) 651 nafar o`quvchining 36 nafari turli sabablarga ko`ra imtihonga qatnasha olmadi. Imtihon jarayoni pandemiya sababli qabul qilingan , qoidalar va Davlat test markazi tomonidan ma`qullangan qoidalar asosida tashkil qilindi. Jarayon tuman sanitariya -epidemiologik markaz xodimlari, huquq-tartibot xodimlari va kuzatuvchi bo`lishni istagan 24 nafar ota-onalar nazorati ostida akademik litseyning sport o`yingohida bo`lib o`tdi. Imtihonning birinchi kunida qatnashgan 290 nafar o`quvchidan 130 nafari, ikkinchi kuni esa 325 nafar qatnashchidan 104 nafari yuqori natijalarga erishib, litseyning o`quvchisi bo`lish baxtini qo`lga kiritdilar. Imtihon natijalari bo`lib o`tgan kunning o`zidayoq e`lon qilindi va o`quvchilar e`tirozlari o`rganib chiqildi. Akademik litseyning aniq fanlar 1-(texnika) yo`nalishiga 130 nafar, aniq fanlar 2-(iqtisod) yo`nalishiga 52 nafar, tabiiy fanlar yo`nalishiga 26 nafar, ijtimoiy gumanitar yo`nalishiga 26 nafar, jami 234 nafar o`quvchi qabul qilindi. BuxDU Matbuot xizmati
