2020-yilning 3-sentyabr kuni Buxoro davlat universiteti talabalar turar joyida Fizika-matematika fakulteti Axborot texnologiyalari kafedrasi o‘qituvchilarining 5ta muhim tashabbusning 5-chi yo‘nalishi: xotin -qizlar bilan ishlash yo‘nalishida "Qiz bolaning chiroyi" mavzusida suhbat o‘tkazildi.Unda Fizika-matematika fakulteti dekani H.O. Jo‘rayev, fakultet Xotin-qizlar kengashi raisi dotsent Sayidova N.S., Axborot texnologiyalari kafedrasi o‘qituvchilari Ismoilova M., Norova F., Atayeva G. yotoqxona xodimi Farog‘at opa, tarbiyachilari va fizika-matematika fakulteti 3-kurs Amaliy matematika va informatika taʼlim yo‘nalishi talabalari.Qiz bolaning chiroyi"mavzusida tadbir o‘tkazildi. Ushbu tadbirni fizika-matematika fakulteti xotin-qizlar kengashi raisi dotsent N.S. Sayidova ochib berdilar va jumladan ushbu fikrlarni bildirdilar: Qiz farzandimiz dunyoga kelgan kundan boshlab uni har tomonlama yetuk, komila etib tarbiyalashga alohida eʼtibor qaratamiz. Dunyo go‘zallari qaddu - qomati, tiniq yuziyu va hokazo shunga o‘xshagan diqqatni tortadigan tashqi chiroyi bilan latofatli sanalsa, o‘zbeklarda yuqoridagi sifatlar ikkinchi darajali bo‘lib, albatta, birinchi o‘rinda qiz bola odob-axloqi va o‘zida ibo- hayo kabi zebo hislatlarni mujassam etgan feʼl-atvori bilan to‘kis husnga ega hisoblangan.Lekin, keyingi paytlarda ayrim qizlarning yurish-turishi, gap-so‘ziyu, odob-axloqida ko‘zga tashlanayotgan nuqsonlar hisobigami yoki dunyoqarashi o‘zgarib, zamonaviylashib, g‘arbga havasi ortgan kishilar hisobigami o‘zbek qizlarining sharmu hayosi bilan go‘zal deb maqtanish zavqidan bebahra qolmoqdamiz. Mana shu masala bugungi tadbirimizning asosiy masalasi bo‘lib,n o‘zbek qizining asosiy go‘zalligi nimada degan savol qo‘yildi.Bugungi kun yoshlari, xususan qizlar haqida ko‘p gapirilyapti. Asosan qizlarimiz feʼlidagi nuqsonlarga tanqidiy fikrlar bildirilyapti. Hayo - kishining nafsoniy orzularga ergashib yomon ishlarga kirishishdan, isnod keltiruvchi holatlarga aralashishdan o‘zini saqlashga undovchi go‘zal bir hisdir. Nomusi, qadri va ayollik, nafaqat ayollik, balki insoniylik martabasini saqlab ayb ishlardan nari yurish- hayoli kishining amallaridan hisoblanadi. Hayo shundayin bir maʼnaviy javohirdirki, insonlarning haqiqiy qadru qiymati hayo bilan o‘lchanadi. Ayniqsa, ayollarning o‘ziga xos bo‘lgan eng go‘zal, eng qadrli ziynatlari- hayodir. Behayo ayol nursiz, ko‘rimsiz va hattoki, jirkanch bir gavdaga o‘xshaydi.Ibo-hayosini saqlashga urinmagan ayol hech qachon muhabbat va qadrga loyiq topilmaydi. Qiz bola uchun eng katta boylik, eng ulug‘ martaba, eng komil fazilat bu albatta – ibo- hayodir. Gul qizlarjon yana bir haqiqatni unutmasliklari darkorki, hayo- iymondandir. Hayoli kishida insoniylikning eng yuksak, eng komil xislatlari hisoblangan sabr, qanoat, nazokat, intizom, saxovat kabi husnu xulqning shakllari mujassam bo‘ladi. G‘urur va kibr orasida katta farq bor. Qiz bola kamtar, muloyim, xushfeʼllik va g‘urur bilan ziynatlangan bo‘lsa, unga hamma joyda baxt eshiklari lang ochiq bo‘ladi. Qiz bola, ayolning g‘ururi esa bu beshak - nomus va hayosi hisoblanadi.So‘ngra ushbu fikrlarni Axborot texnologiyalari kafedrasi o‘qituvchilari Ismoilova M., Norova F., Atayeva G. o‘z fikrlari bilan to‘ldirishdi.Fizika-matematika fakulteti Xotin-qizlar kengashi raisi, dotsent N.S. Sayidova
