Joriy yilning 28-sentyabr kuni Buxoro davlat universiteti Agronomiya va biotexnologiya fakultetida “1 oktyabr- O‘qituvchi va murabbiylar kuni” munosabati bilan «Bayramingiz muborak aziz ustozlar» deb nomlangan ma’naviy-ma’rifiy tadbir o‘tkazildi. Tadbirni fakultet dekani A.Q.Qodirov kirish so‘zi bilan ochib, ta’lim-tarbiya sohasida mehnat qilayotgan barcha pedagog xodimlarni «O‘qituvchi va murabbiylar» kuni bilan chin qalbdan tabriklab, eng ezgu tilaklarini izhor etdi.Tadbirda uzoq yillar davomida faoliyat olib borgan ilmiy, o‘quv-uslubiy va ma’naviy-ma’rifiy sohalarida samarali mehnat qilgan bir qator professor-o‘qituvchilar fahriy yorliq hamda estalik sovg‘alari bilan taqdirlanishdi. Tadbir davomida Biologiya kafedrasi mudiri M.M.To‘rayev, Tuproqshunoslik kafedrasi mudiri F.X.Jumayev, ko‘p yillik tajribaga ega bo‘lgan ustozlar S.B.Bo‘riyev, M.Hamidov, S.S.Xayriyevlar so‘z olib, dunyo miqyosida raqobat yanada kuchayib boradigan, o‘ta murakkab bir davrda yashaydigan bolalarimizni kelajakka tayyorlab, sog‘lom va barkamol sohasi bo‘yicha mukammal kasb egasi va insonlar etib voyaga yetkazish ta’lim-tarbiya sohasi, o‘qituvchi mehnatining tub mohiyatini tashkil etishini aytib, ushbu bayram bilan yana bir bor tabriklab, barchaga sihat-salomatlik, sharafli va mas’uliyatli faoliyatlarida katta muvaffaqiyatlar, xonadonlariga fayzu baraka tiladilar.
