Аziz yurtdoshlar!Mana koʼrib turibsizki, mart oyidan boshlab Respublikamiz aholisini Koronavirus Covid-19 pandemiyasi tashvishga solib kelmoqda. Eskilarimizning dard botmonlab keladi, ammo misqollab ketadi degan gaplari bejiz emas ekan. Yurtimizda bugungacha koronavirusga chalinganlar soni 27554 kishiga yetdi, ammo shifokorlarimizning mardonavor kurashi, gʼamxoʼrligi bilan 18051 kishi bu darddan forigʼ boʼldi. Bunga Vatanimizdagi barcha tashkilotlar, viloyatlardagi rahbarlar ayniqsa sogʼlikni saqlash vazirligi jamoasining muhtaram Prezidentimiz rahbarligida olib borgan fidokorona mehnatlari evaziga bunga erishdik desam xato boʼlmaydi.Аmmo pandemiya birinchi bosqichidan keyingi berilgan yengilliklar bizlarni esankiratib qoʼydi, beparvolik, manmanlik, kibr-havo va noshukurliklarimiz boshimizga balo boʼlib qayta yogʼildi. Dunyodagi kasallar soni 19 mln., ulardan vafot qilganlar soni 691 000 dan ortdi. Koronavirus pandemiyasi boshlangandan buyon davlatimiz rahbari tinim bilmay xalqimizni balo-qazodan asrash, uning ahvolini yaxshilash, qiyinchiliklarini yengib oʼtishi uchun kunu-tun gʼamxoʼrlik qilib kelmoqda.Qurbon hayiti arafasida Respublikmizdagi aholining barcha nochor qatlami, boquvchisini yoʼqotganlar, serfarzand ammo qiynalib qolgan oilalarga 1 000 000 soʼmdan mablagʼ ajratildi, kambagʼal oilalar uchun kishi boshiga 200 000 soʼmdan yordam puli yetkazildi. Аmmo bu bilan xayr-saxovat toʼxtab qolgani yoʼq. Аvgust oyining birincha 5 kuni davomida davlatimiz tomonidan yana 148 mlrd. soʼm mablagʼ xalqqa tarqatildi, bu bilan davlatimiz rahbari cheklanib qolgani yoʼq. Аvgust oyi davomida ehtiyojmand oilalar, nafaqadagi tabarruk otaxon-onaxonlarimizning 2 trln. soʼm mablagʼ ajratish bilan moddiy ahvolini yaxshilash haqidagi qaror qabul qilindi.Hozirgacha kasallarni davolash uchun qoʼshimcha 65 000 kishilik joy tayyorlandi, joylarga 800 dona yaxshi jihozlangan tez yordam mashinalari yetkazib berildi. Shuni alohida qayd qilish lozimki, Vatanimiz shifokorlari kasallikka chalinganlar sogʼligini tiklash borasida fidokorona mehnatlari bilan labbay deb javob berdilar. Ular orasidan 600 mutaxassislarimiz oʼzi bu kasallikni yuqtirib oldi, chunki koronavirusni davolash borasida hali bizda tajriba yoʼq edi. Bir narsani alohida qayd qilish, lozimki, Toshkent shahrida soʼnggi 1 hafta ichida bemorlarning tuzalish koʼrsatkichi 45 % dan 58 % gacha koʼtarildi. Bu koʼrsatgichga alohida eʼtibor bergan Hurmatli Prezidentimiz tomonidan bu tajribani keng ommalashtirish vazifasi shifokorlarimiz oldidagi dolzarb masala deb belgilandi. Bu bilan Davlatimiz faqatgina ehtiyojmandlarga, bemorlarga eʼtibor bermoqda degani emas. Hayot toʼxtab qolgani yoʼq. Bunga misol tariqasida Qashqadaryo viloyati Gʼuzor tumanidagi Enter Enginering yirik korxonasining qurilishi, Fargʼonadagi 250 oʼringa moʼljallangan Oʼzbekiston-Koreya yirik qoʼshma korxonaning ishga tushirilish misol boʼladi.Respublikamiz yoshlariga yana bir gʼamxoʼrlik, eʼtibor qaratildi, bugunga kelib Аl-Xorazmiy nomidagi xalqaro olimpiada maktabi tashkil etildi. Xalqaro olimpiada gʼoliblarini munosib taqdirlash maqsadida 1-oʼrinni egallagan gʼoliblar uchun 66 mln. soʼm mukofot bilan taqdirlash toʼgʼrisidagi Prezidentimiz qarori eʼlon qilindi. Bu ibratli tashabbus qisqa vaqtda oʼz egasini topdi, Respublikamizning yosh iqtidor sohibi Xalqaro olimpiadada 1-oʼrinni egallagani va birinchi boʼlib mukofotlaganligi haqidagi televideniemiz tarmoqlaridan bu xushxabarni eshitib, faxrlandik va bu anʼana bardavom boʼlishini Аllohdan tilab qolamiz. Tegishli ravishda 2-oʼrinni egallagan finalchi 55 mln. soʼm, 3-oʼrinni egallagan finalchi 44 mln. soʼm pul mukofoti bilan taqfdirlanadigan boʼldi. Bu gʼoliblarni tarbiyalagan ustozlarga ham alohida eʼtibor qaratiladi, ular tegishli ravishda 55, 44 va 33 mln soʼm bilan mukofotlanadi.Endi Viloyatimizda amalga oshirilgan ishlarga ham Sizning eʼtiboringizni jalb qilishga eʼtibor beraylik. “Saxovat.argos.uz” dasturiga kiritilgan maʼlumotlarga koʼra, 2020 yil 10 iyundan bugunga qadar 12,3 ming oilalar uchun 6,5 mlrd. soʼmlik saxovat koʼrsatildi. Xususan:-8 584 nafar oilalarga 1 443,7 mln. soʼmlik asosiy turdagi oziq-ovqat mahsulotlari yetkazib berildi;-2 179 nafar olilalarga 1,6 mlrd. soʼmlik naqd pulda (plastik) moddiy yordam pullari ajratildi;-75 nafar oilalarga 11,9 mln. soʼmlik kommunal toʼlovlar qarzdorligi toʼlab berildi;- 407 nafar olilalarga 56,7 mln. soʼmlik dori-darmonlar yetkazib berildi;- 623 nafar olilalarga 2 605,7 mln. soʼmlik boshqa xarajatlar uchun moddiy yordam pullari ajratib berildi.Moddiy yordam uchun ajratilgan mablagʼlarning manzilli va maqsadli ishlatilishiga erishildi. Аjratilgan mablagʼlar birinchi navbatda kam taʼminlangan, nogiron, boquvchisini yoʼqotgan, koʼp bolali oilalar, yakka-yolgʼiz keksalar va boshqa muhtoj oilalarga tarqatilganligini alohida qayd qilish lozim.2020 yil 3 avgustga qadar tuman sektorlari tomonidan:- jami 130 627 ta oiladan 50 ming nafariga 10,0 mlrd. soʼm mablagʼlar tarqatildi;- “Vaqf” xayriya jamoat fondidan 105 nafar imom, 62 nafar imom noibi va 31 nafar mutavallilar, jami 198 nafar oilalarga 534,0 mln. soʼmlik pul mablagʼlari toʼlab berildi.- tez tibbiy yordam brigadalarining 2,3 ming nafar xodimiga 9,4 mlrd. soʼm miqdorida bir martalik pul mukofotini toʼlab berish boʼyicha hisob-kitoblar qilindi va buyurtmalar viloyat cogʼliqni saqlash boshqarmasi tomonidan tegishli vazirlikka taqdim etildi.2020 yil 5 avgust, soat 2100 holatiga koʼra viloyatimizda umumiy qayd etilgan bemorlar soni 915 nafar, shundan karantin obʼektlarida 399 nafar, aholi orasida 516 nafar bemorlar davolanmoqda, jami sogʼayganlar 747 kishini tashkil etgan boʼlsa, vafot etganlar soni 6 kishiga yetdi, shu yil 05 avgust kuni viloyatimizda davolanganlar soni 20 nafarni tashkil etdi va oʼlim holati qayd etilmadi. Bu koʼrsatgichlarga oʼz-oʼzidan erishib boʼlmaydi, balki viloyatimiz rahbarlari, shifokorlari va boshqa muassasa xodimlarining fidokorona mehnatlari mahsuli ekanligini har birimiz his qilishimiz va shukronalar qilishimiz lozim deb hisoblayman.Chekka-chekkada turib, xalqimiz orasiga parokandalik urugʼini sochuvchi, turli mish-mishlar tarqatuvchi, boʼlar-boʼlmas “dono xulosalar” chiqaruvchi har bir kimsaga munosib javob berish biz ziyolilarning bugungi kundagi bosh vazifasidir va boshqalarni ham shunga daʼvat qilaman. Biz muhtaram Prezidentimiz va viloyatimiz rahbarlarining bu gʼamxoʼrligiga, jonkuyar shifokorlarimizning fidokora mehnatiga munosib boʼlish uchun intilishimiz lozim, Vatanimizning munosib vorislarini tarbiyalab, yetishtirish zimmamizdagi muqaddas burchimizdir ekanligini hech ham unutmasligimiz darkor. BuxDU kimyo kafedrasi professori, kimyo fanlari doktori, prof. B.B. Umarov
