Ma’lumki, joriy yilning aprel oyida Oliy va o’rta maxsus ta’lim vazirligi hamda Matematika instituti hamkorligida talabalar o’rtasida Respublika miqyosida Matematika sohasida “Eng yaxshi ilmiy maqola” tanlovi e’lon qilingan edi. Tanlov nizomiga ko’ra uning g’oliblari moddiy rag’batlantirilishi va ularning maqolalari ingliz tilida “Uzbek Mathematical Journal”da nashr qilinishi ko’zda tutilgan.Buxoro davlat universiteti Matematika mutaxassisligi 1-bosqich magistranti, Ulug’bek nomli Davlat stipendiyasi sovrindori Mustafoyeva Zarinabonu Erkin qizi mazkur tanlovda ishtirok etib, faxrli 1-o’rinni egalladi. Z.E.Mustafoyeva talabalik davridan boshlab hozirgi kunga qadar Matematika kafedrasi dotsenti, f.-m.f.n. T.H.Rasulov ilmiy rahbarligida “4-tartibli operatorli matrisalarning spektral xossalari” mavzusida ilmiy-tadqiqot ishlari olib bormoqdaUning 10 ga yaqin ilmiy maqolalari Xalqaro va Respublika miqyosidagi ilmiy jurnallarda nashr qilingan. Bundan tashqari, u Xalqaro va Respublika miqyosida o’tkazilib kelinayotgan 20 dan ortiq ilmiy anjuman hamda webinarlarda o’z ma’ruzasi bilan faol ishtirok etib kelmoqda. Tanlovda ilmiy rahbari T.H.Rasulov bilan hammualliflikdagi “Relations for the spectrum of a 3x3 block operator matrix” nomli ilmiy maqolasi bilan qatnashdi. Mazkur maqola O’zbekiston Respublikasi Oliy attestatsiya komissiyasi ro’yxatiga kiritilgan “Uzbek Mathematical Journal” ilmiy jurnalida nashr qilish uchun tavsiya qilindi.BuxDU matbuot xizmati
