Bugungi kunda koronavirus pandemiyasi tobora avj olishi oqibatida rivojlangan davlatlar ham oʼz aholisini ertangi kunda oziq-ovqat bilan taʼminlash muammolariga duch kelayotganining guvohi boʼlyapmiz. Davlatimiz tomonidan aholiga tomorqalar ajratilishi amaliyoti toʼgʼriligining isboti va dalili boʼlib, Jahon banki oʼz hisobotida Yevropa va Markaziy Osiyo davlatlarida iqtisodiyotning oʼsish surʼatlarini taʼminlaydigan manba qishloq xoʼjaligi ekanligini eʼlon qilib, bu borada Oʼzbekistonda ulkan imkoniyatlar mavjudligiga alohida eʼtibor qaratganidir.Hozirgi kunda barcha mamlakatlarni qamrab borayotgan iqtisodiy inqiroz va boshlanayotgan xalq isteʼmoli mahsulotlarining tanqisligining oldini olish boʼyicha davlatimiz va hukumatimizda aniq strategiya va rejalar mavjud. Joylarda tomarqalardan unumli foydalanish va aholiga tomarqa-daromad manbai ekanligini tushuntirish va yuzaga kelayotgan muammolarni yechimlari joyida bartaraf etish yuzasidan Gʼijduvon tumani 44-Qoʼrgʼon okrugidan viloyat xalq deputatligiga saylangan Obidjon Xamidov ushbu hududga tashrif buyurib aholi xonadonlarida boʼldi. Guliston MFY ga qarshli Navoiy koʼchasi 59 uyda istiqomat qiluvchi Shuxrat Sharipov uyida tadbirkor bilan kelishuv asosida 1000 ta parrandani yetishtirmoqda. Shuning bilan birgalikda yer tomarqasida pomidor, bodring, loviya, bulgʼor qalampiri kabi poliz mahsulotlarini ham yetishtirmoqda.Fayzulla Xoʼjaev MFY qarashli boʼlgan Beruniy koʼchasiga ham tashrif buyurib, u yerda istiqomat qiluvchi bir qator aholi bilan suhbat oʼtkazib, tomarqadan unumli foydalanish, pillachilik orqali oʼz daromadlarini oshirishlari mumkinligini ham taʼkidlab oʼtdi. Bir qator oilalarga 2 qutidan ipak qurtlarini tarqatish boshlanganligi, albatta aholi daromadlarini oshirishga xizmat qiladi.Beruniy koʼchasi 27 xonadonida Eshpoʼlatova Dilobar turmush oʼrtogʼi va 5 nafar farzandlari bilan istiqomat qilayotgani va kichkina boʼlsa ham tomarqasida pomidor, kartoshka yetishtirayotganligi, 3 dona qoʼy va parranda boqayotganligi oʼrganildi. Uning 3 yoshli farzandi nogironligi borligi va uni nogironlik nafaqasi olishi uchun qiynalayotganligi, bugun uchun ham bir qator toʼsqinlinlarga uchragani haqida gapirib berdi. Ushbu muammoni joyida deputat O.Xamidov bilan hamrohlik qilgan shifokor Sh.Narzievning koʼmagida hech qanday ovoragarchiliklarsiz uning farzandini nafaqaga chiqarilishi masalasi hal etildi. Biz ushbu tashrifimiz bilan birgina oilaga foydamiz tekkanligini fuqaro D.Eshpoʼlatovaning qanchalik yuzida tabassumidan bilib olish qiyin emas edi. Аlbatta, aholi turmushi barqarorligini taʼminlash borasida belgilangan vazifalarni amalga oshirishda tuman Kengashi deputatlari oʼz vazifa va burchlarini sidqidildan bajarish yoʼli bilan hissalarini qoʼshadi.Meva-sabzavotchilik va chorvachilik tarmoqlarida mahsulot yetishtirish hajmini ikki barobarga oshirish, shuningdek, oziqa ishlab chiqaradigan korxonalar, qoramol, parranda boqish boʼyicha oilaviy kooperatsiyalarni koʼpaytirish, baliq yetishtirish, asalarichilik, ipakchilik sohasida ishlarni samarali tashkil etish kabi ishlarni yoʼlga qoʼyib, aholini ish bilan taʼminlash va daromadlarini koʼpaytirish vazifalari belgilandi.Shu bilan birga, qishloq xoʼjaligi mahsulotlari hajmini koʼpaytirish maqsadida yangi bogʼ va tokzorlar orasiga kartoshka, sabzi, piyoz, sarimsoqpiyoz, koʼkat, noʼxat, mosh, loviya, pomidor, bodring, bulgʼor qalampiri va poliz ekinlari ekish boʼyicha koʼrsatma berildi.“COVID-19” koronavirusi tarqalishining oldini olish, kambagʼal va ehtiyojmand oilalarni qoʼllab quvvatlashga qaratilgan karantin tadbirlarni qay darajada amal qilish holati 1-sektor rahbari, tuman hokimi M.Umarov boshchiligida mutasaddilar tomonidan oʼrganildi.Ijtimoiy himoyaga muhtoj, boquvchisini yoʼqotgan va nogironligi boʼlgan oilalarga oziq-ovqat mahsulotlari aniq manzilli yetib borishi, mahsulotlarni rasmiylashtirish, Mahalla va oilani qoʼllab-quvvatlash tuman boʼlimi va mutasaddilar tomonidan bepul xonadonlarga yetqazib berish boʼyicha hamkorlikda amalga oshirilishi lozim boʼlgan vazifalar haqida tegishli koʼrsatmalar berildi.BuxDU matbuot xizmati
