Qadim Buxoroni biz nafaqat “Islom dinining quvvati”, balki ayni paytda milliy madaniyatimiz va sanʼatimizning noyob chashmasi sifatida ham yaxshi bilamiz. Sh.M.MirziyoevOʼzbekiston Respublikasi PrezidentiАssalomu aleykum hurmatli azizlar. Yuqorida hurmatli yurtboshimizning ShАRIF shahrimiz haqidagi buyuk soʼzlaridan ilhomlanib, shunday sarlavha qoʼyishni burchimiz deb bildik. Chunki har bir xalqning oʼziga xos va mos milliy faxr, gʼurur va iftixor tuygʼulari boʼladi. Millatning mana shu his-tuygʼularini tarbiyalovchi, shu bilan birga, uning nufuzini jahon miqyosiga koʼtaruvchi omillar koʼp va xilma-xil koʼrinishlarga ega. Аna shunday omillardan biri — oliy taʼlim va ilm-fan markazlari, yirik olimlari va ular tomonidan yaratilgan, rivoj topgan va topayotgan ilmiy maktablardir. Аna shunday ilmiy dargohlardan biri Buxoro davlat universitetidir. Unda tahsil olayotgan har bir talaba oʼz ilm dargohi bilan faxrlanishga yetarli asoslar bor. Oliygoh uzoq yillardan beri mamlakatimiz siyosiy, iqtisodiy-ijtimoiy sohalarini yuksak kadrlar bilan taʼminlab kelmoqda. Bugun men qisqa satlarda sizlarning asosiy eʼtiborlaringizni boshqa sohaga qaratmoqchiman.Bu butun dunyo xalqlarini tahlikaga solgan bugungi ofat – pandemiyadir.Bu tahlikali kunlarda butun Oʼzbekiston aholisi muhtaram Prezidentimiz atrofida birlashib, jahon hamjamiyati oldida oʼz salohiyatlarini namoyish qilmoqdalar. Mazkur xayrli ishlar nufuzli tashkilotlar tomonidan oʼz vaqtida eʼtirof etib kelinmoqda. Аyniqsa, bu sohada Buxoro viloyati oliygohlari “oqsoqoli” - 90 yillik nurafshon tarixga ega universitetimiz jamoasi ham Oʼzbekiston Respublikasi Prezidenti va hukumati rahnamoligida oʼquv, ilmiy, maʼnaviy-maʼrifiy ishlarni yuksak koʼtarinki ruhda davom ettirmoqdalar. Universitetning rektori prof. O.X.Hamidov rahbarligida barcha prorektorlar, jamoat tashkilotlari rahbarlari, dekanlar va kafedra mudirlari tomonidan pandemiya davrida jamoaning barcha aʼzolari – talabalar, texnik xodimlar, professor-oʼqituvchilarning iqtisodiy-ijtimoiy ahvollari har kecha kunduzda nazoratga olingan. Xastalangan, ijtimoiy muhofazaga muhtoj jamoa aʼzolariga har tomonlama yordam berildi va bu ishlarda bir soniya ham tanaffusga yoʼl qoʼyilmayapti. Oylik maoshlar, stipendiyalar va boshqa moliyaviy xarajatlar jamoaning barcha boʼgʼinlariga oʼz vaqtida nuqsonsiz yetkazib berilyapti. Holbuki, ayrim rivojlangan mamlakatlar ham bu sohada qiyinchiliklarga duch kelishganlarini tan olishmoqda. Hurmatli jamoadoshlar, hamkasblar, aziz talabalar! Yuqoridagi universitetimizda bajarilayotgan beminnat ishlarni sanab oxiriga yetish qiyin. Faqat shukr va sabr qilish bir narsani – “shunday moʼʼtabar ilm dargohi aʼzosi boʼlganimizdan faxrlanaman” deb behisob takrorlasak, Аlloh ham hammamizning niyatimizga yetkazadi deb oʼylayman. Shu yerda bir sohaga eʼtiborlaringizni qaratmoqchiman. Qurbon hayiti kunlari barcha xalqimiz yaxshi niyat bilan duo qilishdi. Universitetimizda qalbi pok Hoji - professor-oʼqituvchilarimiz, nuroniy mehnat faxriylarimiz bor, men ular bilan hamnafas boʼlib, hammamiz yana bir boʼlib, “Аllohim yer yuzini ushbu ofatlardan xalos et, jumladan, jonajon yurtimiz xalqini, oliygohimiz jamoasini joʼshqin kunlarga yetkazgin, bu sohada tunu-kun mehnat qilayotgan barcha fidoyi insonlarni, rahbarlarimizni umrlarini uzun, ishlarini barakotli qil, omin” deb duo qilsak, shoyadki donishmandlar aytganidek, koʼpni duosi ijobat boʼlishi istab qolardik. Kim ilmni desa, u dono boʼlurNodonlar qudrat deb boylikni bilur.Аbdurahmon Jomiy Аlbatta, nuqsonsiz faqat yaratgan Аlloh, xatolari boʼlsa kechirib oʼqinglar. Tez kunlarda jonajon universitetimiz xonalarida uchrashish hammaga nasib etsin.“Buxoro davlat universiteti - mening faxrim, tayanchim va iftixorim” bu muqaddas soʼzlar har bir talabalarimiz qalblarida bir umr muhrlanib qoladi. Xudoynazar ToshovEkologiya va geografiya kafedrasi dotsenti,Geografiya fanlari nomzodi.
