2020-yilning 18-may kuni Buxoro davlat universitetida Agronomiya va biotexnologiya fakulteti tashabbusi asosida Xalqaro miqyosida "Buxoro viloyatidagi suv havzalarida baliqchilikni rivojlantirishning muammo va istiqbollari" mavzusidagi on-line vebinar o'tkazildi. On-line vebinarni kirish so'zi bilan Buxoro davlat universiteti Ilmiy ishlar va innovatsiyalar bo'yicha prorektori O.S.Qahhorov ochib berdi. Vebinarda xorijiy hamda mahalliy olimlardan S.R.Timirxanov, B.G.Kamilov, U.T.Mirzayev hamda bir qator BuxDU professor-o'qituvchilari qatnashdilar. Prezidentimiz 2017-yil 10-11 mart kunlari Buxoroga tashriflari chogʼida - Keyingi yillarda oziq-ovqat xavfsizligini taʼminlash, jumladan, sifatli baliq mahsulotlari yetishtirish hajmini oshirish boʼyicha bir qancha dasturiy chora-tadbirlar ishlab chiqildi.Xususan, Prezidentimizning 2017 yil 1 maydagi “Baliqchilik tarmogʼini boshqarish tizimini takomillashtirish chora-tadbirlari toʼgʼrisida”gi qarori qabul qilinib, «Oʼzbekbaliqsanoat” uyushmasi tashkil etildi. Uyushma tomonidan tabiiy va sunʼiy suv havzalarini baliqlantirish uchun qimmatli baliq turlarini koʼpaytirishni yoʼlga qoʼyishda baliqchilik tarmogʼi tashkilotlariga koʼmaklashish, lichinka yetishtirish boʼyicha yangi inkubatorlarni tashkil etish, baliq chavogʼi yetishtirish hajmini koʼpaytirish, chavoq hovuzlarini modernizatsiya qilish va kengaytirish boʼyicha qator ishlar amalga oshirildi.Davlatimiz rahbari tashabbusi bilan Buxoro viloyatida baliqchilikni rivojlantirish loyihalariga 2018-2019 yillarda 100 milliard soʼm miqdorida kredit mablagʼi ajratildi. Buxoro viloyatida 240 fermer xoʼjaligi va boshqa subyektlarga qarashli 1 ming 600 gektardan iborat sunʼiy hovuzda baliq parvarishlanmoqda. Ular orasida tashkil etilganiga hali bir yil ham toʼlmagan “Buxorobaliqsanoat” masʼuliyati cheklangan jamiyati alohida oʼrin tutadi. Uni sohaning oʼziga xos kichik klasteri ham deyish mumkin. Boisi, mazkur korxonada baliq yetishtirish bilan bogʼliq jarayonlar uzviy, yaʼni yagona texnologik zanjir asosida bogʼlangan.«Buxoro baliq sanoat» masʼuliyati cheklangan jamiyati tomonidan baliq yetishtirishda naslchilikka katta ahamiyat qaratilgan. Inkubatsiya tsexlarida yiliga 60 million chavoq yetishtiriladi. Bu yerda biroz eʼtiborsizlik ham baliqlarning zaiflashuviga sabab boʼlishi hech gap emas. Shuning uchun chavoqlar parvarishi, xona harorati moʼtadil boʼlishi qatʼiy nazoratga olingan.Inkubatsiyadan chiqarilgan chavoqlar yopiq binodagi kichik hovuzlarda vazni 1,5-2 grammga yetguncha boqilib, ochiq havza hududidagi har qaysisi 1 gektarlik toʼrtta maxsus hovuzda bosqichma-bosqich “yozlik parvarish” davrini oʼtaydi. Ular vazni 35-50 grammga yetgach, maxsus hovuzda qishlaydi. Bahorda esa katta suvga qoʼyib yuboriladi. Kuzga borib gʼalvir suvdan koʼtariladi.Yana bir muhim jihati, majmuada yopiq suv aylanma tizimi ham yoʼlga qoʼyilgan. Unda qishda intensiv usulda moʼl baliq yetishtiriladi. Korxonada mahsulotni tozalash, qisqa muddatga muzlatish va 200 tonna sigʼimga ega sovutgichlarda uzoq vaqt saqlash uchun maxsus sexlar ham faoliyat koʼrsatadi. Shuningdek, bu yerda baliqni qayta ishlash, yaʼni dudlash texnologiyasi ham mavjud. Xullas, mahsulot bozorga muzlatilgan va tayyor mahsulot holida chiqariladi. Аgar inkubatsiyadan chiqarilgan 60 million chavoqning 48 millioni shartnoma asosida turdosh xoʼjaliklarga yetkazib berilishi nazarda tutilsa, korxona qoʼshimcha daromad manbaiga ega boʼladi.Аlbatta, sunʼiy hovuz mahsuldorligi ozuqaga juda bogʼliq. Bu masala yechimi puxta oʼylangan. Korxona yillik quvvati 2 ming tonnadan ziyod ozuqa ishlab chiqaradigan zamonaviy sexga ega. Bu yerda tarkibi makkajoʼxori doni, protein, turli vitamin va boshqa aralashmalar bilan boyitilgan ozuqalar tayyorlanadi. Bundan tashqari, ovlangan baliqlarni tozalashda hosil boʼlgan chiqindilar qayta ishlanib, ulardan ikkilamchi yemish olinadi.Bahor baliqchilar uchun ham masʼuliyatli davr, Kichik hovuzlarda sazan, oq amur, oq doʼngpeshona, chipor doʼngpeshona, Аfrika laqqasi kabi baliq chavoqlarini parvarish qilish boshlanadi. kuzda 300 tonnaga yaqin baliq ovlash rejalashtirilgan. Vьetnamliklar bilan hamkorlikda Baliq yetishtirishda innovatsion texnologiyalarni qoʼllagan hamkorlik aloqalarini yoʼlga qoʼyildi. Joriy yilda ulardan oʼtgan yilgiga nisbatan deyarli ikki barobar koʼp, aniqrogʼi, 8,6 ming tonnadan ziyod mahsulot olinishi koʼzda tutilgan. Bunda baliqchilik xoʼjaliklari davlat tomonidan qoʼllab-quvvatlanayotgani muhim omil boʼlmoqda. Buxoro davlat universiteti Matbuot xizmati
