Buxoro davlat universiteti yurtimizdagi baʼzi nogironligi bo‘lgan shaxslar tomonidan bildirilgan noshukurlik holatidagi eʼtirozlarga munosabati.Har o‘quv yilida oliy taʼlim muassasalariga abituriyentlar qabulining umumiy sonidan nogironligi bo‘lgan shaxslar uchun qo‘shimcha ravishda ikki foizli kvotalar kiritilmoqda.Shuningdek, Prezident farmoniga asosan 2018 yilning 1 iyunidan boshlab nogironligi bo‘lgan shaxslar to‘g‘risida kompleks maʼlumotlarni (nogironligi bo‘lgan shaxslarga oid shaxsiy maʼlumotlar, pul to‘lovlarining turlari va miqdori, ajratilgan texnik reabilitatsiya vositalari, protez-ortopediya buyumlari va boshqalar) o‘z ichiga olgan nogironligi bo‘lgan shaxslarning yagona elektron reyestri joriy etilmoqda, bu davolash va reabilitatsiya ishlarini samarali tashkil etishni taʼminlaydi.O‘zbekiston Prezidenti Shavkat Mirziyoyev 30 iyul kuni «Koronavirus pandemiyasi davrida ijtimoiy himoyaga va yordamga muhtoj aholi qatlamlarini moddiy qo’llab-quvvatlashga doir qo’shimcha chora-tadbirlar to‘g‘risida»gi farmonni imzoladi. Farmonga ko‘ra, pandemiya sharoitida moddiy yordam va ko’makka muxtoj oilalarning ro’yxatlariga («temir daftar»ga) kiritilgan va aʼzolari 1,7 million nafardan ortiq bo’lgan 400 mingdan ko’proq oilaga respublika byudjetidan bir martalik moddiy yordam puli berildi.Davlatimiz tomonidan nogironligi bo‘lgan fuqarolarga yuqorida keltirilgan farmonga muvofiq shart-sharoit yaratib berilishiga qaramasdan BuxDU Sanʼatshunoslik fakulteti musiqa taʼlimi kafedrasi nogironligi bo‘lgan 1-bosqich talabasi Shuxrat Qodirov fuqarolar ijtimoiy tarmoqlarda matbuotda baland parvoz gaplarni aytib, nogironligi bo‘lgan fuqarolarga eʼtibor berilmayapti degan vajlarni ilgari surmoqda. Qaysiki karantin davrida BuxDU rahbariyati, fakultet dekanati, mahalla, hokimiyat tomonidan bir emas, 6 marta moddiy yordam qilinib kelindi. Karantindan oldingi o‘qish davri vaqtida xam o‘z guruhi talabalari orasida bir necha marta noroziliklar keltirib chiqarishga uringan. Guruh rahbari O‘.Ramazonovani doimiy odob–axloq qoidalariga to‘g‘ri kelmaydigan so‘zlar bilan kamsitib uni obro‘sizlantirishga uringan. Oliy va o'rta maxsus taʼlim vazirligi tomonidan tasdiqlangan o‘quv rejalariga eʼtirozlar bildirib kelgan. Guruh rahbari ayol kishi bo‘lganligi, Sh.Qodirovning odob–axloq qoidalariga to‘g‘ri kelmaydigan xurmacha qiliqlariga dosh berolmaganligi sababli kafedra o‘qituvchisi F.Nurullayev guruh rahbari etib tayinlandi. Eʼtiborimiz hammasi shularga qaratilgan bo'lsada, Shuxrat Qodirovning bunday hatti harakatlarini qanday tushunish mumkin.