Buxoro davlat universiteti o'quv ustaxonasida ko`ngilli o'quv-ustalari tomonidan karantin davrida xayrli ishga qo`l urildi. Hozirgi kecha-kunduzdagi vaziyatdan kelib chiqib, ko'ngilli o'quv ustalari tomonidan niqoblar tikilib, talabalar turar joyidagi xorijlik talabalarga, Buxoro shahridagi 32 – sonli mehribonlik uyiga, Buxoro shahar Piridastgir ko`chasi 16 uyda joylashgan ijtimoiy himoyaga muhtoj oilalar yotoqxonasiga, Navoiy shox ko`shasi, M.Iqbol ko`chalarida joylashgan xonadonlarga hamda “Zarmanoq” postida faoliyat olib borayotgan IIB xodimlari, harbiylar va haydovchlarga bepul yetkazib berdilar. Ko'ngilli o'quv ustalari 1000 dona niqob tikib, insonlar salomatligini asrash yo`lida o`z hissalarini qo`shdilar. Buxoro davlat universiteti Matbuot xizmati