Mamlakatimizda 2020-yil “Ilm, maʼrifat va raqamli iqtisodiyotni rivojlantirish yili” deb eʼlon qilinib, bu boradagi ustuvor maqsadlar belgilanib, Respublikamizda avvaldan shakllangan ilmiy maktablar salohiyatini hisobga olib, hozirgi bosqichdagi milliy manfaatlarimiz va taraqqiyotimiz yoʼnalishlaridan kelib chiqqan holda, bu yil matematika, kimyo, biologiya, geologiya fan va sohalarini rivojlantirish belgilab olindi va shu asosda ishlar amalga oshirilmoqda.Shu vazifalarni amalga oshirish maqsadida 2020-yilning 15-aprel kuni Buxoro davlat universiteti professorlari hamda 8 ta xorijiy davlatlar Oliy taʼlim muassasalari professorlari, shuningdek 150 dan ortiq Respublikamizning matematika, fizika hamda axborot texnologiya sohalaridagi olimlari, tadqiqotchilari doktorantlari ishtirokida Buxoro davlat universitetida “Matematika, fizika va axborot texnologiyalarining dolzarb muammolari” mavzusiga bagʼishlangan Respublika miqyosidagi onlayn ilmiy-amaliy anjuman ZOOM dasturi orqali xalqaro darajada tashkil etildi.Ushbu onlayn anjumanda Polshaning Аdam Miskeyevich universiteti, Malayziya texnologiya universiteti, Shveytsariya Federal texnologiya instituti, Shveytsariya Bern universitetining Matematika instituti, Germaniyaning Boxum Ruxur universiteti, Germaniyaning Uln universiteti, Rossiyaning Novosibirsk davlat universiteti, Oʼzbekiston Respublikasi Fanlar akademiyasining matematika istituti, Oʼzbekiston Respublikasi Oliy va oʼrta maxsus taʼlim vazirligi, Oʼzbekiston Respublikasi Innovatsion rivojlanish vazirligi, Mirzo Ulugʼbek nomidagi Milliy universiteti, Samarqand davlat universiteti, Qoraqalpogʼiston Respublikasining Nukus davlat universiteti va Buxoro davlat universitetining professor-oʼqituvchilari, doktorantlari, magistrlari oʼz maʼruzalari bilan ishtirok etishdi.Ushbu Onlayn anjuman 6 soat davom etdi va Matematika, fizika, axborot texnologiyalari sohasidagi muammolarga va ularning yechimiga qaratildi. Shuningdek tashkil etilgan ushbu onlayn ilmiy-amaliy anjuman ishtirokchilari Buxoro televideniyasiga ilmiy-amaliy anjuman to'g'risida intervyu berishdi.Buxoro davlat universiteti Matbuot xizmati
