Bugun Oʻzbekiston Respublikasi Prezidenti ilgari surgan besh tashabbus doirasida Buxoro shahar hokimligi qoshidagi maydonda ma’naviy-ma’rifiy tadbirlar amalga oshirildi. Ushbu tadbirlarni Buxoro shahar hokimi K.J. Kamalov kirish so’zi bilan ochib berdi. Tadbirda Buxoro davlat universiteti Yoshlar bilan ishlash bo’yicha prorektor A.M. Kadirov, universitet professor-o’qituvchilari, Filologiya, Maktabgacha va boshlang’ich ta’lim, Xorijiy tillar, Fizika-matematika va boshqa fakultetlar talabalari ishtirok etishdi. Tadbirlar davomida shuningdek, yoshlarni ish bilan ta’minlash maqsadida bo’sh ish o’rinlari yarmarkasi tashkil etildi. Tadbirlarda Buxoro shahar faol tadbirkorlari o’zlarining mahsulotlarini ommaga tanishtirdilar. Birinchi tashabbus – yoshlarning musiqa, rassomlik, adabiyot, teatr va san‘atning boshqa turlariga qiziqishlarini oshirishga, iste‘dodini yuzaga chiqarishga xizmat qiladi. Ikkinchi tashabbus – yoshlarni jismoniy chiniqtirish, sport sohasida qobiliyatini namoyon qilishlari uchun zarur sharoitlar yaratishga yo‘naltirilgan. Uchinchi tashabbus – aholi va yoshlar o‘rtasida kompyuter texnologiyalari va internetdan samarali foydalanishni tashkil etishga qaratilgan.To‘rtinchi tashabbus – yoshlar ma‘naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etishga yo‘naltirilgan.Beshinchi tashabbus – xotin-qizlarni ish bilan ta‘minlash masalalarini nazarda tutadi.Buxoro davlat universiteti Matbuot kotibi Otabek Jalolov
