2020-yilning 12-fevral kuni Buxoro davlat universitetiga “Oʼzbekiston Respublikasi Prezidenti huzuridagi Davlat xizmatini rivojlantirish agentligi qoshidagi «El-yurt umidi» jamgʼarmasi direktori Bekmurodov Adxam Sharipovich tashrif buyurdi. Mehmonni Buxoro davlat universiteti rektori O.X. Xamidov kutib olib universitet faollar yig`ingohida professor-o`qituvchilar ishtirokida yig`ilish o`tkazdi. Yig'ilishni universitet ilmiy ishlar va innovatsiyalar bo'yicha prorektor O.S. Qahhorov olib bordi. Yig'ilishda «El-yurt umidi» jamgʼarmasi direktori tomonidan universitet salohiyatini yuksaltirish boʼyicha bir qator maqsadli maslahatlar berildi, “El-yurt umidi” jamgʼarmasi iqtidorli va istiqbolli yoshlar orasida stipendiya tanlovlari qoidalarini keng tushuntirish va bu boradagi savollarga malakali javob berish, jamgʼarma stipendiya tanlovlarida ishtirokchilar sonini va natijada raqobat darajasini koʼtarish, shu asosda tanlovning sifati va samarasini oshirish bo'yicha gapirildi. Shuningdek, chet ellarda faoliyat ko‘rsatayotgan salohiyatli vatandosh olimlar, mutaxassislar va ekspertlarni O‘zbekistonda amalga oshirilayotgan keng qamrovli islohotlarga faol jalb etishga, shuningdek, iqtidorli yoshlarning rivojlangan mamlakatlarda ta’lim olishi, yetakchi xalqaro institutlar va xorijiy tashkilotlarda malaka oshirishiga ko‘maklashish masalalari tog`risida gapirildi. Mazkur tashrif davomida, Buxoro davlat universitetida Oliy taʼlim tizimida yetuk kadrlar tayyorlash, oliy taʼlim tizimidan keyingi taʼlim, yaʼni ilm-fan bilan shugʼullanadigan, kelgusida talabalarga saboq beradigan tizimni kuchaytirish boʼyicha tegishli maslahatlar berildi. Yig'ilishdan so'ng «El-yurt umidi» jamgʼarmasi direktori Bekmurodov Adxam Sharipovich universitetda xalqaro universitetlar bilan ochilgan qo'shma ta'lim dasturlari faoliyati bilan yaqindan tanishdi.Buxoro davlat universiteti Matbuot kotibi Otabek Jalolov
