Kuni kecha BuxDU talabalar turar joyida har haftaning juma kuni “5 tashabbus kuni” etib belgilanganligi munosabati bilan yoshlarni madaniyat, sanʼat, sport, axborot texnologiyalari, kitob oʼqishga qiziqishini oshirish, ularning boʼsh vaqtlarini mazmunli tashkil etish maqsadida 2020 yil 21 fevral kuni Filologiya fakulteti jamoasi tomonidan tadbirlar o`tkazildi. Tadbirni Filologiya fakulteti Yoshlar bilan ishlash boʼyicha dekan oʼrinbosari T.А. Rajabov berdi. T.А. Rajabov bugungi hayotimizdagi besh tashabbusning ahamiyati haqida gapirib barchani mana shunday tadbirlarda faol ishtirok etishga da`vat etdi hamda bugungi tadbirlarni tashkillashtirganlarga, tadbirlarda ishtirok qiladigan barchaga oʼzining minnatdorchiligini bildirdi. Shundan soʼng soʼz navbati Filologiya fakulteti dekani D.Z.Rajabovga berildi. D.Z. Rajabov yoshlarning musiqa, rassomlik, adabiyot, teatr va sanʼatning boshqa turlariga qiziqishlarini oshirishga, isteʼdodini yuzaga chiqarish maqsadida amalga oshirilgan ishlar haqida va bu sohalarda erishilayotgan yutuqlar haqida barchani xabardor qildi. Fakultetda faoliyat yuritayotgan “Fitrat” va “Chexov” talabalar studiyasining faoliyati haqida gapirdi. Yoshlarni jismoniy chiniqtirish, sport sohasida qobiliyatini namoyon qilishlari uchun zarur sharoitlar yaratish maqsadida amalga oshirilgan ishlar haqida toʼxtalib, bu sohada ham talaygina ishlar amalga oshirilganligini va davom etayotganligini taʼkidlab oʼtdi. D.Z. Rajabov ikkinchi tashabbus boʼyicha hali juda koʼplab ishlar qilishni maqsad qilganimizni taʼkidlab oʼtdi. Shundan soʼng soʼz navbati Filologiya fakulteti Oʼzbek adabiyoti kafedra mudiri H.P. Eshonqulovga berildi. H.P. Eshonqulov yoshlar maʼnaviyatini yuksaltirish, ular oʼrtasida kitobxonlikni keng targʼib qilish boʼyicha tizimli ishlarni tashkil etish maqsadida amalga oshirilgan ishlar haqida gapirar ekan barchaga bu sohada erishilgan yutuqlar haqida maʼlumot berib oʼtdi. H.P. Eshonqulov aynan toʼrtinchi tashabbus bizning fakultetimiz hayotida juda katta qiymatga egaligi haqida gapirib oʼtdi. Shundan soʼng talabalar tomonidan tayyorlangan sahna koʼrinishlari TTJning birinchi qavatida namoyish etildi. TTJ 2 bino 205 xonasida talabalar bilan kitobxonlik kechalari tashkil etildi. Sportga qiziqadigan talabalar va professor-oʼqituvchilar oʼrtasida stol tenisi boʼyicha musoboqalar oʼtkazildi.
