Buxoro davlat universiteti Fizika-matematika fakulteti Kasb taʼlimi (Informatika va axborot texnologiyalari) taʼlim yoʼnalishi 1-1PMIK-18, 1-2PMIK-18 va 1-1PMI-18 guruh talaba qizlari bilan “Qizlarning goʼzal ahloqiy sifatlarini shakllantirishda diniy taʼlimning oʼrni” nomli davra suhbati o’tkazildi.Tadbirda “Axborot texnologiyalari” kafedrasi mudiri O.Jalolov, Buxoro shahar “Joʼybori kalon” ayol-qizlar islom taʼlim muassasasi oʼqituvchisi Samadova Gulnoza, АRM rahbari Inoyatova Maftuna, guruh rahbarlar G.Turdieva, X.Xayatov, oʼqituvchilar D.Fayzieva, G.Аtaeva, G.Toʼraeva, G.Murodova va 1-1PMIK-18 va 1-2PMIK-18 guruh talabalari qatnashishdi.“Joʼybori kalon” ayol-qizlar islom taʼlim muassasasi hamda АRM rahbari M.Inoyatova soʼzga chiqib, qizlarning yurish-turishidagi odob-ahloq qoidalarini, qizlarning qoʼpol muomala madaniyati toʼgʼrisida fikr bildirdilar. Bugungi kunda yoshlar chet el fuqarolarining kiyinish madaniyati, urf-odatlariga taqlid qilib, jamoat joylarida oʼzlarini nojoʼya tutishlari, ochiq –sochiq holatda kiyinishlarini koʼp uchratish mumkin. Bunday xolatlar globallashuv jarayonining taʼsiri boʼlib hisoblanadi. Qizlarning kiyinish madaniyati, yurish-turish odob-ahloqini oʼrganishi avvalambor oilada shakllanadi. Shuning uchun onalar qizlarning tarbiyasiga alohida mas`uliyat bilan qarashlari, ularni nazorat ostiga olishlari, nozik masalalarda ochiq-oshkora suhbat olib borishlari, qizlarning muomala madaniyatini shakllantirishlari zarur. Talaba qizlar oʼquv dargohida talab etilgan formada kelishlari, taʼlim jarayonida oʼzlarini gapirish madaniyatini, kiyinish madaniyatiga amal qilishlari lozim.Talaba qizlar oʼzlarini qiziqtirgan savollar bilan murojaat qilishdi. Tadbir juda qiziqarli, baxs-munozaralar asosida oʼtkazildi.Buxoro davlat universiteti Matbuot kotibi Otabek Jalolov
