Xabaringiz bor, Xalq deputatlari viloyat Kengashining shu yil 5-fevraldagi qaroriga muvofiq viloyatimizdagi oliy ta'lim muassasalarida tahsil olayotgan iqtidorli talabalarning ilm-fan va ijodkorlikka bo'lgan intilishlarini rag'batlantirish, ularning ilmiy-innovatsion tashabbuslarini qo'llab-quvvatlash, yoshlarni Vatanga sadoqat va milliy istiqlol g'oyalari ruhida tarbiyalashga e'tiborni yanada kuchaytirish maqsadida "Viloyat hokimi stipendiyasi" tanlovi joriy etilgan edi.Mazkur ko'rik-tanlov, ya'ni viloyat hokimi stipendiyasi hududdagi universitet va institutlarning bakalavriat ta'lim yo'nalishi oxirgi kurslarida a'lo baholarda ta'lim olayotgan O'zbekiston Respublikasi fuqarolariga berilayotganligi ta'kidlanmoqda.Buxoro davlat universiteti bakalavriat ta'lim yo'nalishlaridan quyidagi talabalar "Viloyat hokimi stipendiyasi" tanlovida ishtirok etib, har oyda 1 million so'm miqdoridagi stipendiyani qo'lga kiritishdi:1. Axmedova Sevar Qudratulloyevna - Xorijiy tillar fakulteti Filologiya va tillarni o'qitish (ingliz tili) ta'lim yo'nalishi 4-kurs talabasi;2. Ikromova Hafiza Salim qizi - Agronomiya va biotexnologiya fakulteti Biologiya ta'lim yo'nalishi 3-kurs talabasi;3. Haydarova Hulkar Axtamjon qizi - Tabiiy fanlar fakulteti Kimyo ta'lim yo'nalishi 4-kurs talabasi;4. Teshayeva Gulnoza Jamshidovna - Filologiya fakulteti Filologiya va tillarni o'qitish (o'zbek tili) ta'lim yo'nalishi 3-kurs talabasi;5. Uzakova Munisa Abduraxim qizi - San'atshunoslik fakulteti Musiqa ta'lim yo'nalishi 3-kurs talabasi.Yuqoridagi universitet iqtidorli talabalari bugun Buxoro davlat universitetining navbatdagi kengashida Buxoro davlat universiteti rektori Obidjon Xamidov tomonidan taqdirlandi.Kengash a'zolari iqtidorli talabalarimizni ushbu muvaffaqiyatlari bilan samimiy muborakbod etib, kelgusi faoliyatida yangi zafarlar tilashdi.Buxoro davlat universiteti Matbuot kotibi Otabek Jalolov
