O’zbekiston Respublikasining “Ilm-fan va ilmiy faoliyat to’g’risida”gi Qonuni, “O’zbekiston Respublikasi Vazirlar Mahkamasi huzuridagi Oliy attestatsiya komissiyasi to’g’risidagi nizom” va “Ilmiy darajalar beruvchi ilmiy kengash to’g’risidagi nizom” asosida Oliy va o’rta ta’lim vazirligining murojaati (17.02.2020, №89-03-644) va OAK Filologiya fanlari bo’yicha ekspert kengashining tavsiyasiga (25.02.2020, №2/18a) muvofiq O’zbekiston Respublikasi OAK Rayosatining 2020-yil 27-fevraldagi 277/2-son qarori ijrosini ta’minlash maqsadida Buxoro davlat universiteti Filologiya fakultetida universitet huzuridagi 10.00.01 – “O’zbek tili” va 10.00.02 – “O’zbek adabiyoti” ixtisosliklari bo`yicha PhD.03/27.02.2020.Fil.72.09 shifrli ilmiy kengashning ochilish marosimi bo`lib o’tdi. Ilmiy kengashning ochilishida Buxoro davlat universiteti rektori O.X. Xamidov, universitetning o`quv ishlari bo`yicha prorektori M.I. Daminov, ilmiy ishlar va innovatsiyalar bo`yicha prorektor O.S. Qahhorov hamda fakultet dekani, ilmiy kengash a`zolari, fakultet professor-o`qituvchilari ishtirok etdilar.Ilmiy kengashni universitet rektori tabrik so`zi bilan ochib berdilar. Rektor o`z so`zlarida filologiya fakultetining nafaqat universitetda balki butun bir mintaqada olimlarining, professorlarining va ilmiy ish yoqlagan tadqiqotchilarining soni bo`yicha yetakchi ekanligi va bu yetakchiligini bardavom saqlashi kerakligi xususida to`xtalib, bugungi universitet huzuridagi yangi ilmiy kengashning universitetimiz tarixida ilk bora kuzatayotganligi haqida ta`kidlab o`tdilar. Shuningdek, O.X. Xamidov ilmiy kengashning 11 nafar a`zolarini barchaga tanishtirib o`tdilar. Kengash qaroriga muvofiq Buxoro davlat universiteti huzuridagi ilmiy kengashga 10.00.01 – “O’zbek tili” va 10.00.02 – “O’zbek adabiyoti” ixtisosliklari bo’yicha dissertatsiyalar himoyasini o’tkazishga ruxsat berildi. Ta`kidlash o`rinliki, bunday kengashning ochilishi universitetimiz tarixida ilk marotaba uchramoqda.Buxoro davlat universiteti Matbuot xizmati
