Har bir jamiyatning asosini barkamol avlod tashkil etgani kabi, barkamol avlodni shakllantiradigan mukaramma zot ham shak-shubhasiz ona va ayoldir. Dunyo taqvimida shunday kun borki, bu kunda mo`tabar onajonlar ulug`lanadi, ayollar, opa-singillarga esa hurmat ko`rsatiladi. Bu albatta, umumbashariy miqyosda o`tkaziladigan bahorning ilk kunlarida nishonlanuvchi “Xalqaro xotin-qizlar kuni”dir. Mazkur sana munosabati bilan Buxoro davlat universitetida ham muallima ayollarga alohida hurmat ko`rsatildi. Universitet rahbariyati tomonidan tashkil etilgan bayramona kecha tashrif buyurganlarga bayramona kayfiyat ulashdi. Xususan, universitet rektori O.X. Xamidov barcha ayollarni samimiy tabriklab, ularga eng ezgu tilaklarini yo`lladi. Shundan so`ng, rahbariyat, shuningdek BuxDU talabalar va xodimlar kasaba uyushmasi tomonidan universitetning bir qator faxrli professor-o`qituvchilariga sovg`alar taqdim etildi. San`atshunoslik fakulteti tomonidan tayyorlangan badiiy chiqishlar barcha ayollarni raqsga chorladi. Buxoro davlat universiteti Matbuot kotibi Otabek Jalolov
