Kuni kecha Buxoro davlat universitetida АQShning Oregon Universiteti mutaxassisi PhD, doktor Endi Halvorsen (Andy Halvorsen) hamda Buxoro davlat universtieti, Xorijiy tillar fakulteti, ingliz adabiyoti kafedrasi professor- oʼqituvchilari bilan “Building 21st century skills” (21 asr koʼnikmalarini shakllantirish) mavzusida vebinar tashkil qilindi. Vebinarda ingliz adabiyoti va ingliz tilshunosligi kafedralarining 14 nafar professor-oʼqituvchilari qatnashdi. Vebinar avvalida ingliz adabiyoti kafedrasi katta oʼqituvchisi va vebinar koordinatori G. Nazarova xorijlik mutaxassisni jamoa bilan tanishtirib oʼtdi. Universitet va kafedra faoliyati haqida qisqacha maʼlumot berildi. Shundan soʼng doktor Endi Halvorsen hozirgi paytda til oʼqitishda dolzarb hisoblangan mavzulardan biri “Building 21st century skills” (21 asr koʼnikmalarini shakllantirish) mavzusida vebinar taqdimotini namoyish qildi. Vebinar davomida Аmerikalik mutaxassis kafedra oʼqituvchilari bilan oʼzaro muloqot qilib, mavzu borasida savol-javob olib bordi. Oʼzbekiston taʼlim tizimida yoshlarga bilim berish bilan birga, 21 asr koʼnikmalarini shakllantirishning muhimligini tushuntirdi. Bu borada olib borilayotgan mamlakatimizdagi strategik faoliyat bilan qiziqdi. Mavzuga oid qisqacha video rolik ham taqdim etildi. Vebinar davomida qatnashuvchilar oʼz fikrlarini bildirish imkoniyatiga ega boʼlishdi. Taqdimot soʼngida vebinar davomida foydalanilgan maʼlumotlar Google Drive dasturi yordamida kafedra professor-oʼqituvchilarning kelgusi faoliyatida foydalanish uchun yuklab olish imkoniyati ham tushuntirildi. Vebinar soʼngida, qatnashuvchilar Аmerikalik mutaxassisga davlatlar orasidagi vaqtning oʼn uch soatlik farqiga qaramasdan, oʼz vaqtini ayamay, ushbu vebinarni tashkil qilganligi uchun minnatdorchilik bildirishdi. Ushbu vebinar orqali kafedralar oʼqituvchilari kelgusi faoliyati uchun ahamiyatli maʼlumotlar olib, chet ellik mutaxassai bilan sohadagi yangiliklar haqida fikr yuritish imkoniyatiga ega boʼlganliklari haqida oʼz fikrlarini bildirishdi. АQShning Oregon Universiteti mutaxassisi PhD, doktor Endi Halvorsen ham Oʼzbekistonlik oʼqituvchilar bilan ushrashganidan xursandligini va kelgusida hamkorlik borasida ish olib borishni qoʼllab-quvvatlashini aytdi. Vebinar barchada chuqur taassurot qoldirdi.
