2020-yilning 11-yanvar kuni O'zbekiston Respublikasi Prezidentining 2019 yil 13 dekabrdagi F-5529-sonli farmoyishlari ijrosini tashkillashtirish maqsadida O'zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kuni munosabati bilan mustaqillik yillarida halok bo'lgan harbiy xizmatchilarning oilalari holidan xabar olish tadbirlari tashkil etildi.Jumladan, Buxoro viloyati hokimligi, shahar hokimligi, viloyat mudofaa ishlari boshqarmalari, DXX chegara qo'shinlariga qarashli 9116, 9204 harbiy qismlar, jamoat vakillari hamda Buxoro davlat universiteti va Toshkent irrigatsiya va qishloq xo'jaligini mexanizatsiyalash muhandislari institutining Buxoro filiali bilan birgalikda o‘z jonini Vatan tinchligi yo‘lida fido etgan qahramonlarning oilalari bilan suhbatlar uyushtirildi. Dastlab guruh Buxoro shahar, B.Naqshband ko'chasi 309/1 uyda yashovchi marhum mayor Fayziyev Akbarjonning oilasi xonadoniga tashrif buyurdi. Uchrashuv davomida Akbar Fayziyevning yuksak fazilatlari, harbiy xizmat davridagi shijoati va mardligi yodga olindi. Buxoro davlat universiteti Tarix va madaniy meros fakulteti dekani J.Jo'rayev, DXX chegara qo'shinlariga qarashli 9116, 9204 harbiy qismlar xodimlari tomonidan marhum oilasiga ma'naviy yordam ko'rsatildi. Shuningdek, Buxoro davlat universiteti Filologiya hamda San'atshunoslik fakulteti yosh talaba yoshlari tomonidan she'rlar aytildi hamda portretlar ulashildi. Shundan so'ng guruh Buxoro shahar, Piridastgir ko'chasi, 9-uy, 12-xonadonda yashovchi Marhum katta leytenant Farrux Adilovning oilasiga tashrif buyurildi. Marhum oilasi bilan dildan yaqin suhbatlashildi. Ishchi guruh shuningdek, marhum oddiy askar Egamov Nazirjonning Buxoro shahar, A.Somiy ko'chasi, 4/4-uy, 19-xonadonda yashovchi oilasiga tashrif buyurdi. Marhum harbiylar xonadonlariga qilgan tashriflar marhumlar oila a’zolarini ko‘nglini tog‘dek ko‘targan bo‘lsa, tashrifdan xabar topgan mahalla faollari, marhumlar yaqinlari va iqtidorli yoshlar uchun yana bir tarbiya maktabini o‘tadi. Marhum harbiylarning Vatan tinchligi yo‘lida qilgan xizmatlari hech qachon unutilmasligi, doim e’tibor va e’zozda bo‘lishi ta’kidlanib, bayram sovg‘alari ulashildi.Xalqimiz o‘z qahramonlarini, Vatan tinchligi va osoyishtaligi, gullab-yashnashi uchun jonni fido etgan insonlar xotirasini aziz tutadi. Buxoro davlat universiteti Matbuot kotibi Otabek Jalolov
