2020-yil 9-yanvar kuni Oʼzbekiston Respublikasi Prezidenti Аdministratsiyasi huzuridagi iqtisodiy tadqiqotlar va islohotlar markazi tomonidan Buxoro davlat universitetida talabalar hamda professor-o’qituvchilar bilan uchrashuv tashkil etildi.Tadbirda Iqtisodiy tadqiqotlar va islohotlar markazi masʼul xodimi, BuxDU o’quv ishlari bo’yicha prorektori M.I. Daminov, Iqtisodiyot va turizm fakulteti dekani D.SH. Yavmutov, Tarix va madaniy meros fakulteti dekani J. Jo’rayev hamda 10 dan ortiq professor-oʼqituvchilari va mazkur universitetning 60 dan ortiq talabalari ishtirok etishdi. Tadbirda Prezidentimiz Shavkat Mirziyoyev boshlagan siyosiy va iqtisodiy islohotlar haqida gapirildi. Faol tashqi siyosat, eksportga yoʼnaltirilgan rivojlanish modelini amalga oshirish, milliy eksportchilarni qoʼllab-quvvatlash va ularning bozorlarini kengaytirish milliy siyosatning asosiy maqsadidir. Tadbirda Baxtishod Hamidov "Oʼzbekistonning YeOIIga aʼzo boʼlishi oqibatlari tahlili" mavzusida taqdimot oʼtkazdi.Malumot uchun: Markaz oʼtgan yilning noyabr oyidan boshlab Oʼzbekistonning Yevroosiyo Iqtisodiy Ittifoqiga (EOII) aʼzo boʼlishining iqtisodiy modellashtirish va iqtisodiy tahlil usullaridan foydalangan holda tadqiqot olib bormoqda. Tadqiqot natijalari asosida hisobot tayyorlandi.Taqdimot davomida B. Hamidov YeOII doirasida integratsiya jarayonlarining taʼsirni baholash va batafsil tahlil qilingan keng koʼlamli ishlar haqida gapirdi. Jumladan, tadqiqot natijalari va YeOIIga aʼzo boʼlish Oʼzbekiston iqtisodiyotiga olib kelishi mumkin boʼlgan samaralar haqida toʼxtalib oʼtildi."Oʼzbekistonning YeOIIga aʼzo boʼlishi milliy mahsulotlarning Ittifoq mamlakatlari bozorlariga chiqishidagi toʼsiqlarni yoʼqotishi va eksportchilar uchun bogʼliq xarajatlarni sezilarli darajada kamaytirishi mumkin. Ittifoqning kengayishi, bu tashkilotning boshqa davlatlar bilan erkin savdo zonalarining tashkil etilishi oʼzbek eksportining bu mamlakatlar bozorlariga kirib borishiga koʼmaklashadi", - dedi Baxtishod Hamidov.B. Hamidov talabalar va universitet rahbariyatining barcha savollariga imkon qadar batafsil javob berdi, suhbat konstruktiv va mazmunli boʼlib oʼtdi.Buxoro davlat universiteti Matbuot kotibi Otabek Jalolov
