Kuni kecha BuxDU Fizika-matematika fakulteti Amaliy matematika va informatika ta`lim yo`nalishi 2-bosqich talabalari ishtirokida "Kompyuter grafikasi" fanidan “CorelDraw – vektorli tasvirlarni yaratish va qayta ishlash tizimi” mavzusida ochiq dars tashkil etildi. "Axborot texnologiyalar" kafedrasi a`zosi, fizika-matematika fanlari nomzodi, dosent N.S. Sayidova tomonidan tashkil etilgan ochiq darsda talabalar fanning yutuqlari, mavzuga tegishli tarix va uning muhim vazifalarni o`zlarining chiqishlarida aytib o`tdilar. Ayniqsa ma`ruza mavzusining amaliyot bilan bog`lab o`tilganligi o`qituvchi tomonidan tayyorlangan kartateka, buklet, flayer va interaktiv o`yinlar o`quvchilar bilim darajasining oshishiga va yana bir marotaba charxlanishiga xizmat qildi. "Axborot texnalogiyalar" kafedrasi tomonidan ochiq dars a`lo darajada baholandi. Amaliy matematika va informatika ta`lim yo`nalishi talabalari o`z o`rnida dosent Sayidova Nazokat Sayfullayevnaga o`z minnatdorchiliklarini bildirdilar. Bu kabi ta`limdagi yangicha yondashuvlar ta`lim sifatining oshishi va talabalarning o`zlashtirish darajasining oshishiga xizmat qiladi.
