Kuni kecha Buxoro davlat universiteti Xorijiy tillar fakulteti Ingliz adabiyoti kafedrasi oʼqituvchilari, toʼgarak rahbarlari Habibullaeva R.M., Jalilova Z.B., Baxranova M.А., Ochilova N.Oʼ., Muxtorova M.I. BuxDU TTJ 5-binoga borib, talabalarning TTJdagi faoliyati, hayoti bilan tanishishdi. Maʼnaviyat xonasi, yashash xonalari, oshxona, gigiyena xonalarining tozaligi tekshirildi. Talabalarning oʼqish, mutolaa qilishga boʼlgan qiziqishlarini oshirish maqsadida maʼnaviyat xonasi inglizcha material (kitob, jurnal, poster) lar bilan jihozlandi, iqtidorli talabalarning buklet koʼrinishida namoyish qilingan yutuqlari bilan bezatildi. Bundan tashqari, TTJda yashaydigan talabalar bilan “Talaba qanday axloq egasi boʼlishi lozim” mavzusida davra suhbati oʼtkazishdi. Suhbatda talabalar faol ishtirok etib, ustozlaridan foydali maslahatlarni olishdi.
