Bugungi kunda mamlakatimizda yoshlar o’rtasida jinoyatchilik va uni keltirib chiqaruvchi sabablarni bartaraf etishga qaratilgan kompleks chora-tadbirlar amalga oshirilib, ushbu yo’nalishda yoshlarning huquqbuzarlik yo’liga kirib qolishining oldini olish dolzarb ahamiyat kasb etmoqda. Mazkur davra suhbati ham yoshlar o’rtasida g’oyaviy bo’shliqni oldini olish, ularning bo’sh vaqtlarini mazmunli tashkil etish, ular o’rtasida jinoyatchilikning o’z vaqtida aniqlash va uni oldini olishga qaratilgan profilaktika ishlari masalalariga bag’ishlandi. Unda Kogon shahar IIB profilaktika inspektorikatta leytenant F.F. Aslonov so’zga chiqib, jamiyatda huquqbuzarlik va jinoyatchilik harakatlari o’z-o’zidan sodir bo’lmasligi, biz o’z diqqatimizni huquqbuzarlik keltirib chiqaradigan oqibatlar bilan kurashishimiz emas, balki uni barvaqt oldini olishimiz, uning sabab va shart-sharoitlarini o’z vaqtida bartaraf etishimiz maqsadga muvofiqligi ta’kidlandi. Bugun yoshlar o’rtasida kuzatilayotgan huquqbuzarlik va jinoyatchilikning eng asosiy sabablari, avvalo, oiladagi notinchlik, ta’lim muassasalaridagi muhit va boshqa sohalardagi kamchiliklar ekanligi hayotiy misollar orqali tushuntirildi. Shuningdek, O’zbekiston Respublikasi Prezidenti Shavkat Mirziyoyev 2017 yilning 9 fevral kuni ichki ishlar organlari faoliyati, tizimda mavjud muammo va kamchiliklar, istiqboldagi vazifalarga bag’ishlangan videoselektor yig’ilishida O’zbekistonda haftaning har payshanba kuni jinoyatchilikning oldini olish va profilaktika kuni, deb e’lon qilinganligi bejiz emasligi davra suhbati ishtirokchilariga eslatib o’tildi. Shundan so’ng kafedra professor-o’qituvchilari N.B. Maxmudova, B.S. Turdiyev, N.O. Jo’rayeva, A.Q. Shirinov, D.H. Qodirov va F.Sh. Abdullayevalar tomonidan yoshlar o‘rtasida jinoyatchilik va huquqbuzarlikka qarshi kurashish bo‘yicha ta’lim muassasalari va ichki ishlar idoralarining hamkorligini mustahkamlash, mahalla fuqarolar yig‘inlari va boshqa jamoatchilik vakillarining hamkorligini yanada kuchaytirish va ularning mas’uliyatini oshirish kerakligi ta’kidlandi. Jonli muloqot tarzida o’tgan davra suhbatida Kogon shahar IIB profilaktika inspektorikatta leytenant F.F.Aslonov tomonidan yoshlar o’zlarining qiziqtirgan barcha savollarga batafsil javob oldilar. BuxDU matbuot xizmati xodimi: Javohir Saidov
