O‘zbekiston Respublikasi Prezidentining 2017-yil 29-noyabrdagi PF-5264-son “O‘zbekiston Respublikasi Innovatsion rivojlanish vazirligini tashkil etish to‘g‘risida”gi Farmoni hamda 2017-yil 30-noyabrdagi PQ-3416-son “O‘zbekiston Respublikasi Innovatsion rivojlanish vazirligi faoliyatini tashkil etish to‘g‘risida”gi qaroriga asosan ilmiy laboratoriyalarni yaratish va qo‘shimcha jihozlash bo‘yicha tanlovlarni o‘tkazish,shuningdek zarur sarflash materiallari va butlovchi qismlar bilan ta’minlash to’g’risidagi nizomiga asosan Buxoro davlat universiteti “Fizika” kafedrasi professori D.R. Djurayev va kafedra mudiri dotsent Sh.Sh. Fayziyevlarning tashabbusi bilan fizika kafedrasida O’zbekiston Respublikasi Fanlar akademiyasi huzuridagi Fizika-texnika ilmiy ishlab chiqarish instituti bilan hamkorlikda ilmiy laboratoriya yaratish bo’yicha hamkorlik ishlari olib borildi.Fizika-texnika ilmiy ishlab chiqarish instituti “Elektronika, optoelektronika va fotonika soxalaridagi asbobsozlik” laboratoriya mudiri fizika-matematika fanlar doktori, professor Karimov Abdulaziz Vaxitovich universitetning fizika yo’nalishida tahsil olayotgan bakalavr, magistr, doktarant va mustaqil izlanuvchilari bilan uchrashib, yarimo’tkazgichlar fizikasi sohasidagi so’ngi yangiliklari va yarimo’tkazgichlarning bugungi kundagi ahamiyati to’g’risida ma’ruza qildi. Ma’ruza davomida talabalar, magistrlar, doktorant va mustaqil izlanuvchilar o’zlarini qiziqtirgan barcha savollariga javob oldilar.
