Kuni kecha Buxoro davlat universiteti Iqtisodiyot va turizm fakulteti 3-1MX-19, 3-3MX-19, 3-1TUR-19, 3-2TUR-19, 3-2 XS-18, 3-1MX-18 3-2MX-18, 3-2TUR-18, 3-1MX–18, 3-3 TUR-19 guruhlarida “8-dekabr Oʼzbekiston Respublikasi Konstitutsiyasi kuni” mavzusida davra suhbati bo`lib o`tdi.Unda qator masalalar ko`rib chiqildi. 1-masala yuzasidan I. Shoev soʼzga chiqdi: Oʼzbekiston Respublikasining konstitutsiyasining yaratilishi, uning paydo boʼlish tarixi, ilk shakllari haqida maʼlumotlar berildi. Shuningdek, Oʼzbekiston Respublikasining mustaqillikka erishishi va Oʼzbekiston Respublikasining birinchi prezidenti I.А. Karimovning tashabbusi bilan ilk konstitutsiya loyihasini ishlab chiqish uchun 64 kishilik ishchi guruh tashkil etilib, birinchi konstitutsiyamiz loyihasi gazetada nashr etilib xalq muhokamasiga qoʼyilganligini taʼkidlab oʼtdi. Xalq muhokamasiga qoʼyilgan loyiha yuzasidan 6000 dan ortiq takliflar kelib tushgan va ikkinchi bor konstitutsiya loyihasiga oʼzgartirish kiritilib muhokamaga qoʼyilgan.2- masala yuzasidan: Oʼzbekiston Respublikasi Konstitutsiyasi Oʼn ikkinchi chaqiriq Oʼzbekiston Respublikasi Oliy Kengashining oʼn birinchi sessiyasida 1992 yil 8 dekabrda qabul qilingan. 2002 yil 27 yanvarda oʼtkazilgan umumxalq referendumi natijalariga koʼra hamda uning asosida Oʼzbekiston Respublikasining 2003 yil 24 aprelda qabul qilingan Qonuniga muvofiq Oʼzbekiston Respublikasining Konstitutsiyasi XVIII, XIX, XX, XXIII boblariga oʼzgartishlar va qoʼshimchalar kiritilgan. Oʼzbekiston Respublikasining 2007 yil 11 aprelda qabul qilingan Qonuni bilan Oʼzbekiston Respublikasining Konstitutsiyasi 89-moddasiga, 93- moddasining 15-bandiga, 102-moddasining ikkinchi qismiga tuzatishlar kiritilgan. Oʼzbekiston Respublikasining 2008 yil 25 dekabrda qabul qilingan Qonuni bilan Oʼzbekiston Respublikasining Konstitutsiyasi 77-moddasining birinchi qismiga oʼzgartish kiritilgan. Oʼzbekiston Respublikasining 2011 yil 18 aprelda qabul qilingan Qonuni bilan Oʼzbekiston Respublikasining Konstitutsiyasi 78, 80, 93, 96 va 98-moddalariga oʼzgartish va qoʼshimchalar kiritilgan. Oʼzbekiston Respublikasining 2011 yil 12 dekabrda qabul qilingan Qonuni bilan Oʼzbekiston Respublikasining Konstitutsiyasi 90-moddasining ikkinchi qismiga tuzatish kiritilgan. Oʼzbekiston Respublikasining 2014 yil 16 aprelda qabul qilingan Qonuni bilan Oʼzbekiston Respublikasining Konstitutsiyasi 32, 78. 93, 98, 103 va 117-moddalariga oʼzgartirish va qoʼshimchalar kiritilgan. Oʼzbekiston Respublikasining 2017 yil 6 aprelda qabul qilingan Qonuni bilan Oʼzbekiston Respublikasining Konstitutsiyasi 80, 81, 83, 93, 107, 110 va 111-moddalariga oʼzgartirishlar va qoʼshimcha kiritilgan. Oʼzbekiston Respublikasining 2017 yil 31 mayda qabul qilingan Qonuni bilan Oʼzbekiston Respublikasining Konstitutsiyasi 80, 93, 108 va 109-moddalariga oʼzgartishlar kiritilgan. Oʼzbekiston Respublikasining 2017 yil 29 avgustda qabul qilingan Qonuni bilan Oʼzbekiston Respublikasining Konstitutsiyasi 99 va 102-moddalariga oʼzgartishlar kiritilgan.
